خدمة العملاء في سوريا

أتصل رجل بمحل بيتزا ليطلب خدمة التوصيل للمنازل فرد عليه موظف استقبال الطلبات ودار الحوار كالتالي:



الموظف: نشكركم على اتصالكم ,ببيتزا هَت، تحت أمرك أستاذ



الزبون: فيني أطلب؟



الموظف: ممكن تعطيني رقم البطاقة تبعك لو سمحت؟

الزبون: ماشي.... لحظة وحدة .. 6984554610 الموظف: حضرتك الأستاذ خالد وعم تتصل من العنوان شارع أبوسمرا بمنطقة المالكي بال شام ورقم تليفون بيتك 0123456789



الزبون: والله شي ظريف !.. كيف عرفت كل هل المعلومات؟



الموظف: هاد النظام الجديد يللي إعتمدناه عنا بالشركة



الزبون: أيوووااه ...أوكي .. بدي أطلب بيتزا سي فوود من فضلك



الموظف: ما بنصحك أستاذي فكرة غير جيدة



الزبون: أوف ليش؟



الموظف: من بطاقتك الصحية قدامي بيتضح أنو معك ارتفاع في ضغط الدم وارتفاع في معدل الكوليسترول



الزبون: شو!!!.. ممم.. طيب شو بتنصحنا؟



الموظف: بنصحك ببيتزا المشروم خفيفة الدسم و رح تعجبك جدا



الزبون: وليش بقى واثق إنها رح تعجبني !!!



الموظف: لأنك اشتريت كتاب من معرض الكتاب مؤخرا اسمه: ألذ المأكولات المشروم.. من مكتبة الأسد بالأسبوع الماضي



الزبون: ايوه ايوه.. أوكي .. رح أطلب منها وحدة .... حجم عائلي،



الموظف: بعتقد إنك لازم تطلب وحدة تانية ... وحدة غير كافية لعائلتكم المكونة من 6 أفراد، فالمجموع بيطلع عليك 70 ليرة بس أستاذ عندك مشكلة للأسف الشديد مارح تقدر السداد بالائتمان ولابد أنك تسدد المبلغ نقداً



لأنك مديون للبنك بمبلغ 37220.55 ليرة من تشرين الماضي فواتير بطاقتك الإتمانية و سكروا عليك حسابها غير القرض الأخير يللي عليك من البنك للشقة الجديدة



الزبون: طيب رح بسحب من الماكينة القريبة من بيتي لبين ما توصل البيتزا



الموظف: كمان بعتذر من حضرتك إستاذ ...ما رح تقدر ..لأنه وفقاً للبيانات قدامي فإنك اليوم سحبت الحد الأقصى المسموح فيه من رصيدك كاش ..و ما حا تقدر تسحب اليوم أي مبلغ نقدا من ماكينة الصراف



الزبون: ايييييه أي والله، أخي بعات الولد وانا رح بعطيه كاش وأديش بتاخدو وقت مشان نعرف



الموظف: حوالي 45 دقيقة أستاذ ، بس إذا ما بتحب تنتظر كل هالوقت ممكن تتفضل حضرتك بسيارتك الكيا البيضا الجديدة



الزبون: شووو؟؟؟؟؟



الموظف: وفقاً للبيانات الموجودة قدامي فإنك اشتريت سيارة كيا بيضا ، رقم اللوحة : دمشق 123456



الزبون: انت موظف سا.. و وقـ.. و رح أشتكي عليك يا.. الـ



الموظف: عفوا أستاذ ...انتبه لكلامك منيح ....لا تنسى أنو عندك قضية بسبب أنك قللت أدب مع ضابط مرور بتاريخ 15 آب الماضي متل مو واضح قدامي من بيانات حضرتك



الزبون: ........... لعما ؟



الموظف: بتحب أخدمك بشي تاني أستاذ ؟



الزبون: لا لا سلامتك ولاشي بس البيتزا بالمشروم بالحجم العائلي مع البيبسي كولا المجانية يللي مع كل وجبة بيتزا ...، لعمه .. خدمة زبائن أما فرع مخ....



الموظف: الحق معك .. بعتذر ما بقدر أبعت لحضرتك البيبسي المجانية ...نحن عادة منقدمها للزبائن يللي ما بعانوا من مرض السكر ... ولكن متل مو واضح قدامي بيانات حضرتك بتظهر إنك مريض بالسكر



الزبون: أخي ألغي هالطلب كلووووووو ... ما عاد بدنا نتزهرم ضراب السخن ... قومي يامرة انقبري واطبخي .

بتجنن قد مو حلوة ونهفة يا عيني عليك
والله يمكن أكتر من هيك كمان
لم يبق على عامل البيتزا إلا أن يقول له أرجو أن تعدل من جلستك وأنت تتحدث ونزل رجلك من على الطاولة , وقوم غير شورتك الداخلي الأحمر لأنه ما بيليق فيك تلبس هيك لون . وقول لمرتك تتغطى منيح تضرب أنت وياها , تستروا شوي شو قاعدين بالبيت ؟؟؟؟!!!!!
معقول شو حلوة .
أضحكتني كثيراً فقد كنت قبل قليل سعيد بدموع الفرح والآن من الضحك .
شكراً لك ولا أدري كيف فلتت مني الرائعة
أطلب من الجميع وبرجاء خاص أن نتوقف قليلاً عن كتابة المواضيع الجديدة ولنبحث عن المواضيع التي لم يرد عليها حسب المزاج الذي نحن به .
ثمة الكثير من الروائع في هذه الصفحات