هل صحيح ان من باعنا بعناه؟

فعلا هيك مقولة كتير كتير بتتردد بس انا بعتبر انو هيك مقولة في حالة الاصدقاء غلط ومش صحيحة لانو الصديق مهما غلط راح يحس بالندم ويتمنى تعود المياه لمجاريها ...اما بالنسبة للحبيب في هادي الحالة هيك مقولة لازم تكون صح لانو لما تحب شخص وبعد هيك هو يتركك وينسى أمرك حتى لو كان بالنسبةالك اغلي من عيونك لازم ترضخ للامر الواقع وتتركه لانو مو معقول تترجاه انو يرجعلك ويحبك....
بس للاسف الكل بقلب الامر وبعكس الموازين يعني في حالة الصديق اول ما الصديق يخطأ او يتركك بنعتبرها خيانة أكبر من كبرى وما بنكون مستعدين انو نسامح وبنحسم الامر ...اما في حالة الحبيب بعد ما يتركك المفروض تنساه لكن بنظل نجرى وننبش قبور الذكريات لعلها تعود حتى نخسر كرامتنا للاسف هيك معظم الناس بتعمل ....
لكن بدنا نتعود انو نسامح اصدقاءنا ونغفر لهم الذلات ...أما الحبيب لو فعلا تركك واستغنى عنك وما اهتم لامرك فلو انتا سعيت الو راح يعتبرك شي كتير رخيص وياخدك لعبة بين ايديه ....
انا هيك وجهة نظري من الموضوع لو حدا بشوف فيها غلط ياريت يحكيلي الصح

بس في شغلة مهمة أنا ما حكتها انو في حالة الحب اللي ما برضي ربنا واللي خارج اطار الارتباط هو اللي بتصير فيه هيك امور وطبيعي الشخص الاخر يجي بالغالب وقت ويتركك مشان هيك بهادي الحالة من باعنا بعناه....والمفروض انو ما كان في علاقة في هيك حالة أصلا ...

أرى أيها الكرام أن العبارة صحيحة
ذلك أن الذي يتجرأ على بيعي هو في حقيقة الأمر ليس محبا ولا أخا ول صديق
إنه عابر سبيل في حياتي وقف ريثما اشترى وباع ورافقته السلامة
ولكن الحبيب لا يبيع
والصديق الصدوق لا يبيع
والأخ الودود لا يبيع
لذا أقول من باعني بعته دون أسف لأنه ل يمكن بأي حال أن يكون من الأصناف السابقة
ودمتم أحبابا لقلبي أيها الطيبون

نعم المقولة يجب أن تطبق
ولكن كثير من الناس وخاصة النساء ذوات القلب الرهيف لا يطبقونها بسهولة بل بكثير من الدموع والألم والندم والحسرة

من باعنا ، لابد أن ننساه ....
حتى لا يكون استمرارنا مع من تخلى عنا ذلا". أو مزيدا" من الجراح .


دمتم