فيدوني بااسرع وقت قبل مايحصل الطلاق

ارجو انكم تفيدوني بااسرع وقت قبل مايحصل الطلاق
المهم انا متزوجه من 7 سنوات عندي بنت عمرها 3 سنين وولد عمره اربع شهور
ساكنه مع اهل زوجي ببيت واحد
المهم انا مو مرتاحه بحياتي نهائيا مشاكل ببداية الزواج مع اهل زوجي وزوجي نفسه
ماكنت احس بالراحه والاطمئنان معاه ومااحس انه يحبني بتاتا مرت الايام والسنين تعبت من هذا الوضع وكل عذر زوجي ان كل مشاكلنا علشاني سمينه ويبي اكون رشيقه بس حاولت مافي فايده
حملت جبت بنتي وبعدها يمكن سنه حسيت اني خلاص اني ابي احساس مشاعر اني محتاجه لها
خصوصا اني يتميه الام والاب فيوم تزوجت كان كل املي ان القى الحنان والحب والجو العائلي اللي ماشفته طول حياتي القاه معاه وللاسف ضاعت احلامي وبديت ابعد عن زوجي شوي شوي تعرفت على واحد عن طريق التلفون حب وكلام عوضني شوي بعدين تركنا بعض وثاني وثالث بس اخر واحد طلعت معاه تمشينا رحنا وجينا بحر ومطاعم وكوفي شوب شيء فاقده من زوجي كل مااطلب منه نطلع دائما مالي خلق اتمنى يوم نطلع سوى وحنا مبسوطين بس دايم نطلع واكون انا غاصبت على هذي الطلعهناخذ فره بالسياره ونرجع حتى ماناخذ نقول ساعه بالكثير علشان مااظلمه
المهم استمرت علاقتي بالاخير تقريبا 3 شهور وتركنا بعض هذا الانسان حبيته وتعلقت فيه لدرجه بس للاسف تركنا بعض كاي علاقه عابره بعدها كرهت حياتي كرهت الفعل اللي سويته حاولت ارجع لزوجي بنتي حاولت قد مااقدر بس كان في حاجز بيني وبين زوجي لاهو راضي يفهمني ولا انا راضيه افهمه
اخذنا شهور وحملت مره ثانيه وولدت بس الحين جاء دور زوجي صارت له علاقات بالنت تطورت صارت هاتفيه الحين انا حاولت اصلح الوضع بينا بس مافي فايده المساله الان انقلبت على راسي انا كان هو شاك اني لي علاقات وساكت وصابر سنتين تخيلوا من بعد تركي العلاقات ويوم ابتداء علاقاته قام يحفر ويسال ويدقق ويحاول الى ان اكتشف الحقيقه وبلحظه مصارحه كشفت له كل شيء
هو الان ناوي يطلقني بس اللي ماخره للان اني انا ماعندي اهل الجاء لهم فهو يقولي دبري نفسك وصرفي امورك الاسبوع هذا بطلقك واخليك تكملين عدتك هنا بغرفتك وبعد ماتخلص بوديك عند وحده من اخواتك
والعيال بيبقون معاه ومتى مابغيت اشوفهم اجي واشوفهم
حاولت معاه ترجيته كلمته حاولت بس مافي فايده مقتنع تماما وانا مو عارفه كيف اتصرف ماابي اتطلق ماابي افارقه او افارق عيالي بس هو يقول ان حيات الشك مستحيله ويقولي انه صابر علي وانه حتى مو متحمل يشوفني وانا رايحه وجايه من قدامه بس متجمل معاي تكلمت معاه وقلت له على كل شيء ينقصني معاه بس يقول مو مبرر لخيانه لو اجيب حريم للبيت هنا مايبرر لك انك تخونني مع غيري
مجرد طلعت معاه تعتبر خيانه حتى لو ماصار شيئ
هو ماعمره حسسني بالحب وماعمره حسسني انه متمسك فيني كان باابسط المواقف يقول لي عادي غيرك ببدالك وكان دايم ينرفزني بانه بيتزوج علي كنت رجال ومراءه بنفس الوقت اجيب الاغراض للعيال اقضي مشازيري باتاكاسي اروح المستشفى مع العيال اذا تعبو لحالي كان معتمد علي اعتماد كتلي وهو جالسه محله بالبيت مقابل الكمبيوتر او سهران مع ربعه والحين فصل من الدوام وجالس بالبيت على طول حتى طلعه مايطلع رغم الظروف الماديه الصعبه مبرد ومو مهتم
ويم تكلمت معاه عن الحب ونقصه والمشاعر يقولي انه سبع سنين ماحس فيه بالحب وان عنده جفاف بالعاطفه اعطاني الى ان نشفت العاطفه عنده
فاانتو ايش رايكم كيف اتصرف معاه الحين ارضى بالواقع او احاول معاه اظل جالسه بمحلى لطلقني لين تخلص العده او اروح عند وحده من اخواتي رغم ان ظروف اخواتي ماتناسب وبتعب كثير بحياتي بس ماني عارفه كيف اتصرف
ارجوكم ردو علي بسرعه قولولي ايش رايكم وكيف اتصرف كيف استعيد حياتي اللي بخسرها

المشكلة التي وقعت فيها ليست سهلة
لا بد أن تعلمي أولاً وأخيراً أنكِ الآن أصبحت أم وكبيرة ومسئولة عن بيت وأبناء وأسرة كاملة ،
عليكِ أن تهتمي ببيتكِ وأسرتكِ وأبناؤكِ لأن الله سبحانه وتعالى سوف يسألكِ عنهم وليس مهماً الكلام الذي تردده وسائل الإعلام من حب ومشاعر وأحاسيس وطلعات وتمني كل هذا كلام غير صحيح ، إذا كانت النهاية هي معصية الله سبحانه وتعالى وهذا عين ما وقعتِ فيه ...................

والآن وقد حصل ما حصل الواجب عليكِ الرجوع إلى الله سبحانه وتعالى والتوبة والإستغفار والندم على ما فات والله سبحانه وتعالى إذا علم منكِ هذا سوف يهديكِ ويشرح صدركِ ويلم شملكِ وزوجكِ ،
وبالنسبة لمعاملة الزوج الواجب عليكِ أن تنصحيه بالمعروف إن كان هو من المصلين وإن كان لا يصلي مطلقاً فالواجب عليكِ أن تفارقيه ومن ترك شيئاً لله عوضه الله خيراً منه ، وإن كان يصلي مرة ومرة فالواجب عليكِ الصبر عليه ونصيحته والإهتمام بشئونه وبيته وأولاده ولا تفكري في الطلاق ، واحذري من التلفون وشباب السوء فهؤلاء لا يريدون منكِ إلا شراً ، وعسى الله سبحانه وتعالى أن يصلح حالكِ وأهلكِ وزوجكِ .
عليك بالدعاء في الاوقات التي يسمع الله منك (جوف الليل)
عليك الاعتذار من زوجك
عليك المبادرة الى اصلاح العلاقة مع اهل زوجك
نتمنى لك السعادة