أعيش مع عائلتي بالغربة واكتشفت إن زوجتي تحادث رجل بالنت

المشكلة

أعيش مع عائلتي بالغربة واكتشفت إن زوجتي تحادث رجل بالنت والهاتف من بلد آخر وهي لا تعلم بمعرفتي ما هو القرار السليم لاتخذه بأقل الخسائر الممكنة..أفيدوني ؟

ما هو موقف الرجل عندما يتعرض للخيانة هل يسامح ؟يترك ؟ يهجر ؟ دعونا نرى الحلول المعطاة من قبل مجتمعنا الشرقي يقول صاحب الرسالة " أعيش مع زوجتي وأولادي الثلاثة بالغربة متزوج من عشرين عام وأحب زوجتي كثيرا ولا أبخل عليها بشيء أبداً وعلاقتنا الزوجية كاملة " يتابع لنا " واكتشفت مؤخراً انها تحادث رجل بالنت من بلد آخر وكذلك بالهاتف وهي لا تعلم بمعرفتي حادثتها بشكل غير مباشر تماما بحرمة المحادثة بالنت وعواقب ذلك وخففت هي من ولكن لم تلغيها. ما هو القرار السليم لاتخذه بأقل الخسائر الممكنة... أفيدوني ؟" هكذا كتبوا له ... فماذا تكتب أنت

يغزي العين عل الشباب و الصيايا و خاصة المغتربين شو حبابين و
كربوجين يا الله الغربة بتخلي الواحد يحس انه حابب يحكي مع الجنس الاخر و
التاني بيحكيلك يمكن بدها حدا تثق فيه تشكيله همه والله شي بيخلي الواحد
يهستر ياعمي بعمرك شفت حدا خان حدا بيوم وليله أو حدا حب حدا بيوم و ليلة
ما هي بتبلش هيك حكي عادي صداقة ثقه متضايئه حابب فش أهري لحدا تاني بعدين
ما بنشوف حالنا غير بالخيانة حبيبي بالصوت العالي مرتك خاينه عم تحكي مع
رجل غريب شو اسمها دلع حاجتك مسخرة و روح واجهها و ابعتها على بيت اهلها
صحيح ماضل حس

وانت مع كم وحدة تحكي

قبل ما تكتب عن زوجتك بدي اسالك انت كم وحدة بتحكي معها على النت وكم وحدة بتحكي معها مباشر وكم وحدة حاط بخيالك

عيب عليك يا رجل

الموضوع مانو سهل

أنا مريت بقصة متل قصتك بس بالعكس.اتعرفت عصبيةع نت و من أصل سوري
عايشة بأميركا وعأساس انهاعازبة وعأساس أصدقاء و بعدين اعترفتلي انها حبتني
و كررت الاعترافات بعدها و شو بدي قللك.متزوجة وعندها 3بنات وبتحب صديق
جوزها كمان و بيجي لعندهم عالبيت.وأنا فتت بالحيط و صار عندي احتقار لحالي
كيف خليتها تضحك عليي.بس الحل الصحيح سكرت النت وهداك كان آخر يوم النتيجة
يللي فهمتها انو قعود مع مرتك وفهام بجوز يكون صديق..و بجوز تكتشف انك مقصر
بشي معها.هاد مانو عزر الها.بس مفتاح لتنقذ زواجك.ماتتسرع

الى صاحب الموضوع

ممكن زوجتك بحاجه لصديق مخلص وفي..تحكي معو تثق فيه..انا ايضاً
مغتربه..أتمنى لو احضى بهذا الانسان..صديق مخلص..وفي..اتكلم معه اشكيله
همومي..مشاكلي..مثلاً.اقولها لك بكل صراحة أتمنى ان أجدهذا الانسان وين
المشكله...وعلى فكره بعرف بدو يصير علي هجوم من المعلقين..مابتفرق عندي هي
حقيقتي
العقل ثم العقل ثم العقل قبل الجاهلية

أخي الكريم أنا متزوج متلك وبعرف شو يعني الشك عند الرجل بس حكم
عقلك ومصلحة أسرتك بالأول. لو عندها نية للخيانة ما كانت راسلت مغترب ومن
الواضح انو هدفها فشة الخلق وقد يكون الحصول على اهتمام مع وضع حد للموضوع
وهدفها مو أبعد من هيك. المرأة بالاخر بشر قد تخطئ بس الأخطاء درجات وهي ما
دخلت بالمحرم واذا بتحاكم حالك بتكتشف انك بلحظات كتيرة عندك أخطاء اكثر
منها بمراحل. حسسها انك عرفت بدون ما تأكدلها وبنفس الوقت أحكي معها وأفهم
أحاسيسها وعبيلها جوانب النقص اللي حاسة فيها. هي النص التاني بحياتك فلا
تخرب بيتك

-الإمارات

صاحبة التعليق باسم ..دايخ2011-06-22 15:42:36


الى..ahmad:::

اولاً.الرجال هم الناقصين. عقل أكترمن النساء.تانياً.بعلق مع مين
مابدي هي موشغلتك ابداً.تالتاً.لاتحشر انفك بشي لايعنيك..

-سوريا

يمكن اصلاح الأمر

عزيزي الغربة يوجد فيه شيء من الفراغ النفسي والوقت الذي يريد ان
يقضيه الانسان يعني انشغالك عنها ووجود النت والفراغ العاطفي والنفسي الذي
تعانيه زوجتك سبب لها هذا خاصة انها وجدت من يحسن الاصغاء لها الحل برايي
ان تروي زوجتك بمزيد من الحب والرعاية وتحسسها بالامان ولا مانع ان تشير
لها بخطأها دون تفاصيل واستمر بحياتك واياك ان تهدمها او تستغل هذه العثرة
ان لمست من زوجتك تجاوبا فالحياة الاسرية من المقدسات وان شابها بعض
الهفوات مع نصيحتي بزرع القيم الدينيا ببيتك وابدا بنفسك واهتم بعائلتك
وحاو

بدها شوية شطارة

حبيب ما الك غير تسوي ايميل وتحكي معها على اساس رجل من غير بلدوتشوف شو وجعها

-سوريا




مغتربة وعندي زوج واطفال2011-06-22 15:32:20


ضع نفسك مكانها

الغربة والوحدة ممكن تخليها تحتاج شخص تاني تحكيلو مو بالضرورة
انها بتحبو هي بدها حدى تاني تحكيلو مشاكلها معك المهم انو يكون الطرف
التالت قد الثقة وبعدها انا بشوف انو المرأة لما بتشكي للجنس الآخر بتعرف
الرأي الاصح افضل من الكلام لمرأة اخرى اللي بتكون بأغلب الاوقات ضد الرجل
لما بتكون المرأة بتحكي لجوزها كل شي وهو مخليها تشعر انو القلب الوحيد
اللي سامعها ما بتحتاج حدى تاني تحكيلو صارحها باللي بتعرفوا وخليك جنبها
بالغربة ولا تكون احمق وفكر بأولادك والوقت هو بيصلح وبينسي
الجزائر

اقوووووووووول

اقول لك يا عزيزي ان تسألها لماذا تتكلم مع رجل غريب وما هي الاسباب
الذي دفعها لهذا العمل وان وجدت الجواب مرتبط بنقص منك فحاول ان تعيد
النظر في نفسك انا اعرف ان هذا صعب عليك ولكن بما انك تحبها فعليك ان تضحي
وان لا تتسرع في اتخاذ القرار فان وجدت استجابة منها كنا قد وجدنا الحل .
اما اذا اصرت على مهاتفته فتأكد انك انت الرابح لانها خسرت انسان حاول ان
يسعدها في اشد اللحظات قسوة ولن تجد انسان مثلك توكل على الله

قطر

أول الرقص حنجلة

تجربتي مثل تجربتك تماما .. تزوجت عام 1998 و أنجبنا طفلان
رائعان صبي و بنت في عام 2004 اشتريتلها خط جوال و أكتشف انه يوجد مكالمة
مكرةة تترواح بين 14 -25 دقيقة كل مرة قلتلها مين صاحب الرقم قالت شخص عم
يضايقها فقمت بالأتصال به و تهديده اذا كررها و حرقت الخط لمدة أربعة أشهر و
تابت و ارجعت لها الخط و الجهاز و في عام 2009 وضعت مسجلة على سبيل
الأطمئنان فسمعتها تتحدث مع شخص غريب على الجوال و تدل المكالمة بأن هناك
لقاءات أسمعتها التسجيل فنكرت لأن الصوت الأخر غير موجود طلقتها في النهاية
مع حبي لها

سوريا

نصيحة

الله يوقف معك مبين انك شخص متسامح قليل كتير يلي بفكرمتلك من
الرجال لازم تصارحها لانو اذا ضليت ساكت رح تكمل بغلطها وهدا كلو رح ينعكس
بالاخر على الاولادواذا اصرت على غلطها الافضل تتركها لانو النصيحة ما
بتلبقلهاوبتأثر على سمعة الاولاد بس يكبروا وخصوصا البنات بتعرف
مجتمعناوتفكيره
-سوريا

حرام عليكن

حرام عليكن ياجماعة بدل ماتفيدو الزلمة جننتوه , انا فتاه غير
متزوجة وعندي اصدقاء شباب ع النت و كلامنا مع بعض كتير محترم واكيد لو
زوجتك بتشتغل رح يكون عندها زملاء بالشغل رجال , باختصار البنت او المرأة
هي يلي بتفرض احتراما على الي حواليها.. فيك بدون ماتعرف تراقبها او تشوف
شي من محادثاتها ووقتا فيك تحكم .. موفق

-سوريا

بالتاني كل شي بينحل

فاتحها بالموضوع بشكل مباشر وبين لها ان الحديث بالنت يزعجك وبالتاكيد ستنتبه ان زوجها وابناءها اهم من كل شيء

-سوريا


الى صاحب المشكله

خلي زوجتك تقرأ التعليقات..وبالذات تعليق..لولو..كاتبي
ايميلها..اللهواعلم مين هي بتكون...انتبهي حبيبتي..ع محاكيكي عن
تجربة..وأصبح عندي ع=م الثقه بالتعامل مع الناس وه\\\\ا الشي..صعب..

-سوريا
الى المعلقين

.الىالمعلقين نتو عندكون الرجولة بكف وبقشاط وبطلاق لك يا عيب
الشوم ازا رجوتلكن بهيك معناتو انفقدت الرجولة بالمرة لك الرجولة ؟
الرجولة معاناها بيعرف الرجل بيداري مشكلتو بهدوء وبيعرف مرتو انسان متلو
مو حيط بس مجتمع شرقي ومعروف بالهوبرة بعدين انتو بتعملو السبعة وزمتا
الكن حلال بس المرا ازا بس حكت على النيت خلص عملتوها خاينة . لك
عيب والله بزمن سنة الجهلاء .

-هولندا
ثمن الانفتاح

بوضوح نحن شرقيين مختلفين عن الغربيين من حيث الفكر والعقيدة فيرى
الغربي الصدق بالعمل خبز الحياة والجسدحريه شخصية وشيئ منفصل اعطى للمراءة
حرية مطلقةالتصرف ودعمهابهذا الاتجاه خلق وضع جديد مختلف فابعض الشرقين
متمسك بالشرائع وبعضهم رافض الفكر الغربي شكلا وقبله موضوعا مجرد الانفتاح
نحوهم حتم علينا دفع ثمن ماسممي ادوات التحررلديهم كومبيوتر وموبال وغيره
كامدخل للحرية المطلقة 0والفلتان للشرقيةالمتزوجة خصوصا مواقع النت
وعندقبول الزوج للزوجته ادوات التحرر هذه عليه تحمل النتائج فلا تعترض
عليهالوصادقت

سوريا
dubai

هلق كل الموضوع مازعج الاخت دايخ بس زعجها انو الرجال قوامون على
النساء وعلقت عالاخ بشاركو ياختي قوامون عليهم فعلا لانهم ناقصات عقل
ودين وهذا الكلام ليس من عندي وارجو الاخ ان يبحث عن اقرب طائره ويرسلها
الى اهلها لانو من تتجرا وتفعلها مره لن تعود تثق بها مره اخرى

-سوريا
خبير كباب 2011-06-22 13:41:43


طلقها بالثلاثة

عزيزي على السريع بتروح على البيت وبتسلخها قتلة يلي هية وبتطلقها
وبتخلي اهلها يستلموها لانه من علاقاتي السابقة الفتاة التي بهون عليها
التكلم مع شاب غريب لو على النت مستعدة للتكلم على التلفون مع القريب
والبعيد ومقابلتهم ايضا وانشا الله بتلاقي احسن منها والله ياجماعة 95% من
البنات مستعدون للخيانة في سهولة الظروف المحاطة بهم الله يسامحون والله
يذكرك بالخير يا نابليون كل النساء -------

-سوريا

دخان

يعني ماباقي الا تدخن بدون علمك يارجال كن رجلا من يسرق بيضة يسرق جمل....


(لا)غلط موهيك(الحل)انصحها لاتتعامل مع ناس لاتعرفهم..خليها تتعامل مع الناس لي هي بتعرفهم وواثقه فيهم..

-ليك انت لازم تحكي معها وتقلها ولله تعرفت على كم بنت من النت و من
هالقصص إذا حسيتها انو غارت وصارت تتحسس صارحها وأذا ما اهتمت فهي صدقني ما
بتستاهل اهتمامك فيها



في حلقة مفقودة بحياتك الزوجية لازم تعمل نوع من
التحديث على حياتك السبب بتصرفات مرتك انها بحاجة لشخص تحكي معه ويسمعلها
باهتمام ويحسسها بكيانها واهيتها كشخص اله عقل ومشاعر مشكلة مرتك انها بدها
مين يهتم فيها لانها عم تحاكي شخص ما ابتعرف شي عن شكله او هويته بس هيي
بدها تتعامل مع حدا مين ما كان


الرجال قوامون على النساء

أنا برأيي تصارحها وتعرف لماذا تفعل هذه التصرفات علما انها
امرأة متزوجة وماذا ينقصها وخاصة إذا كان لك منها أولاد والحمد لله لم تتم
الخيانة الكاملة بعد ويمكنك تقدير الضرر وهل يمكن الإصلاح أم لا وعلى ضوء
النتائج يمكنك إتخاذ قرارك المناسب الإستتابة أو الطلاق

طلقها عن خبره شخصيه

لا تفعل ما فعلته أنا فقد أكتشفت أني طليقتي كانت على علاقه مع 6
رجال على و النت و الموبيل وكانت علاقه جنسيه على النت و الموبيل ومنذ 3
سنوات و طلقتها لمده أشهر و بعد ذلك أرجعتها ولكن لم تتعظ وعاملتني معامله
سيئه و أدى ذلك الى طلاق مره أخرى .
و أقول لك بصدق من جرب المجرب عقله مخرب وقد أعطيتها فرص عديده و لكن عندما
تخون الزوجه و تصبح فاجره تنتهي الحياه الزوجه و نصيحتي لك أن تطلقها بعد
أن تواجها و عوضك على الله والله يبعتلك بنت حلال أشرف منها و شكراصديقي انا عندي حل بسيط ومابينر حدا حسب مافهمت حضرتك بالغربة احس حل ترجععلى سورية وهو ما في نت وبتخلص من كل القصة


الحل يكمن بالحوار والمصارحة والتصالح مع الذات
الحديث عبر الهاتف لا يعني بأي حال من الأحوال فعل الخيانة وإنما قد يحمل
في طياته بعض الخلل الذي يتوجب عليك وزوجتك أن تستدركاه لذا عليك أن تختار
توقيتا مناسبا لمصارحة زوجتك بحقيقة سلوكها غير المبرر ومصارحتها كذلك
بشكوكك المشروعة والتي يجب أن يكون لزوجتك إجابات واضحة عليها وأن تمنحا
نفسيكما بعضا من الوقت والتفكير فإن تبين بالحوار أن هناك خطأ قاتلا قد حدث
فلا بد من محاولة تصحيحه فإن كان قابلا للإصلاح فذلك خير وإلا إمساك
بمعروف أو تسريح بإحسان

شكرا على تفكيرك المتسامح

اخي صاحب الرسالة كونك فكرت انك تحل المشكلة بأقل خسارة ممكنة هدا
الشي بيعني انك انت انسان منفتح ومتفهم أنا برأيي الصراحة أساس كل شي حكيلا
اللي عندك مباشرة وبدون تلميح وقلا انك انت مسامحا بشرط ما تعيدا و هالشي
كلو اكيد كرمال الولاد بالنهاية. شكرا ع تفكيرك الرائع ماحدا منا ما بيغلط
بس اللي بيسامحو قلال ومميزين شكرا لكونك واحد من المتسامحين الله يوفقك
ويوفق عيلتك

-بسيطة عزيزي حاول تورجيا انك عم تحكي مع بنت أو مرة عالنت متلها
تماماً أو على التلفون بصير كمان وشوف ردة فعلها !!! وبناءً على ردة فعلها
أنت رح تعرف شلون رح تتصرف وشو الحل ، اذا عصبت وغارت منك ساعتها دجها
بوشها وقلها ويلي انتي عم تعمليه يا خانم شو اسمو لتكوني مفكرتيني نايم على
وداني (شغل افلام مصرية)!!! انا عملت هيك رداً على تصرفك لتكوني مفكرتيني
اهبل، بس دير بالك تعترفلها انو يلي عم تحكي معها حيلة أو وهم مشان ما ترجع
لعادتها القديمة لازم توحيلها أنك دونجوان وحبيب وفي بنات كتير بتمنوك
بالمشرمحي

بسيطة عزيزي حاول تورجيا انك عم تحكي مع بنت أو مرة عالنت متلها
تماماً أو على التلفون بصير كمان وشوف شو رح تقلك !!! وبناءً على ردة فعلها
أنت رح تعرف شلون رح تتصرف وشو الحل ، اذا عصبت وغارت منك ساعتها دجها
بوشها وقلها ويلي انتي عم تعمليه يا خانم شو اسمو !!! انا عملت هيك رداً
على تصرفك لتكوني مفكرتيني اهبل، بس دير بالك تعترفلها انو يلي عم تحكي
معها حيلة أو وهم مشان ما ترجع لعادتها القديمة لازم توحيلها أنك دونجوان
وحبيب وفي بنات كتير بتمنوك بالمشرمحي خليها تجن وتدود مشان تحس بقيمتك

وين رجولتك

حبيبي

مرتك مو محترمتك أبدأ وأنت واحد ما عندك شخصية لتسأل غيرك .. طلقها مباشرة إذا كنت رجال والحياة موقف

الى نجمة امل..

حبيبتي..اذا ع متتعامل امام الناس علناً وعلمكشوف..هي ليست
خيانه..لكن يلي بيعمل بالخفي وبالسر..هي اسما خيانه..

-
نصيحة

أولا حافظ على زوجتك، ثانياً حافظ على زوجتك، ثالثاً
حافظ على زوجتك... فكر في شيء جديد بالأكل وبالشرب وبالملابس وبالخروج
حدثها بهدوء أثبت أنك رجل وتستطيع أن تعفو وتنسى .... الموضوع تافه ويمكن
السيطرة عليه حاول قدر المستطاع وابتعد عن السلبيين الذكوريين .... والله
يحفظك أنت وهيه...

-الإمارات

مغترب بالسعودية2011-06-22 11:12:06


ضاعت الرجولة

اولا انت بتعلم عنها بتحادث واحد على المسنجر او
الهاتف وانت ساكت ثانيا انا متاكد انو هي اللي عم تشتغل وتصرف عليك وانت
جالس بالبيت ثالثا عيب عليك على هالسؤال البايخ لانك لو عندك غيرة على مرتك
ما بدات باستشارة الناس وفهمك كفاية

-
الى رجل متزوج..

يخزلعين..عنك شوفهيم.ياتسلملي..لكن علنت نص مصيبي..والله ياحبيبي انت كتيررر فهيم..

مافهمت أنا ليش بدي ا

بعد 20 سنة زواج ومسؤلية واولاد هلا بعد ما كبرت وانطفت بدا
تغلط؟؟مابصدق؟لو المخلوقة فيا نوايا انحراف كانت بأيام شبابا وعزا
ماقصرت؟؟؟؟؟؟؟؟؟؟طول بالك معلم روح شوف بشو حضرتك منقص معا مو ضروري جنس
ابداا بجوز حضرتك عصبي كل ماتحكي معك بتعيط ماعندك لسان حلو او بجوز انك مو
فاضي او نقاق دايما بطق وبتنق فهي قرفت منك او عجزت او ملت ؟؟؟؟؟؟؟؟؟؟؟شو
انت كامل يعني ؟؟حبيبي فكربعمق هي زوجتك صار 20سنة انت أدرى فيا عفكرة يمكن
اذا طلقتا تكون هي مبسوطة وترتاح منك؟؟؟؟

-سوريا

ناصح2011-06-22 10:32:29


نصيحة

بدايةًالله يعينك ويحمل معك على هالمصيبة،الموضوع مابدوه انتظار
ولااستشارة,ولا تريث؛وموبس إلها عندك 20 سنة لو أربعين سنة،لانو الخيانة
صعبة وكيف اذا كانت من شريك الحياة برأيي انو اذا كنت متأكد من الموضوع
ومافي سبب لذلك وانت أعلم بظروفك(يعني)ماتكون هي كمان شايفتك عم
بتخونهابطريقة ماأو لك اتصالات مع صديقات فاستهونت الموضوع،بس على العموم
الموضوع موسهل فانصحك بمواجهتها واتزوج عليها،يعدين طلقها ومشان
الاولادبيكبروا،وحيقدرواظرفك وموقفك لانوهيك أمورلاتحتمل التساهل او
الخطأورجعها لأهلها خليهن يعرفوايربوا


بسييييييييييييييييييييييطة طول بالك

اقطع النت من البيت او بيع الكمبيوتر...بتعرف شو اذا كمان قطعت
التلفون عنها بكون احسن وصارحها بكل شي بتعرفو.....عنجد انا بستغرب كيف
الزوجة بتقدر تخون زوجها....حتى ولو كان مجرد حكي فهي عم تخونك ...ولو عم
تحكي عادي معو كانت بتقلك ومابتحكي من ورا ظهرك.....أاااااااه من هاد الزمن
المعت

-سوريا

حقيقة ملموسة وبكل صراحة انو عنا قسم ( وكتير كبير )
من شعبنا مابيلبقلو شي لا إصلاحات ولا حضارة ولا رقي ولا أمن وأمان ولاغربة
ولا إنترنيت حتى ولاحدائق ولا شوارع ولا سيارات ....لك حتى بل الجنس مو
فالحين للأسف

-انا برقي شغلها كل يوم بجبلك مصاري ومابتعود بتمل

صعبة ومجربها

صعبة وانا صار معي نفسك تمام بس انا انفصلت عنها وبتحس بشعور صعب
توصفو وبأنك مطعون بالضهر متل السكين اللي بصدرك لان اذا رح اتطلعها منك رح
تتوجعك واذا تركتها بتموت

مافي اصعب من الخيانة والقرار هاد برجعلك بس ع حد علمي اللي بخوم مرة بخون
مرة و 2 و 3 والثقة كالدمعة متى ما سقطت لاتعود ابدا

ومافي اصعب من الشكل لان بيقتل صاحبو


مابعرف بشو بقدر انصحك بس القرار ايلك و معك حق صعبة

-
الى مغتربة - في المانيا -

لا عزيزيتي كله الا الوحدة !! روحي تعرفي على واحد تاني غير زوجك
وفشيله خلقك وفشيله خلقة !! وخليه يفشلك خلقك وينفش خلقة فيش !!!! لانه معك
حق الوحدة بتقتل مشاعر الانوثة !!! لازم يكونوا تنين او تلاتة !!!!!


-كل عمل يبيّت وراءه نية معينة. برأيي أختبر نوايا
زوجتك، فليس كل خطأ نابع، عن نية تامة بالوقوع بالخطأ نفسه، ربما تتسلى، أو
ربما لنية أخرى. لكن وبنفس الوقت زوجتك أم لثلاثة أولاد هذا يعني بأنها من
العمر قد شارفت على الأربعين، ويفترض بأنها تعرف ماتعمل. وبقناعاتي أي خطأ
يلم بالأسرة مسؤول عنه رب الأسرة، فمابالك إن كان الخطأ من زوجتك؟ هذا
يعني بأن شيئا ما قد حدث، أو نقص في علاقتكما الزوجية. فأرجوأن تفكر ملياً
بأن تُرجع نفسك إلى فترة شبابك، إن كان بدنياً أو عاطفياً. وبعد ذلك قرر
ماذا ستفعل

2

ياما شايف نسوان متزوجات من كل الجنسيات على النت ..لو كنت سمين و اصلع ما
حدى كان عبرني النسوان مكارات يحكوا انه يحبوا من خلال اذانهم و نحن
الرجال السيئين بنحب او بنريد بعيونا ..اللي بدي احكي انه القاسم المشترك
هو الجنس ..عن شو بدون يحكوا عن زلزال اليابان ولا مشاكل درعا ولا
.....؟؟؟؟

-
والله غريب انو في البعض عم يدافع عن الخيانه ...
الخيانه خيانه في اتفه الامور متل اعظمها ..
يعني الي بيسرق قشه .. بيسرق جمل .. السارق سارق شو ما كان نوع السرقه ..
والخاين خاين شو ما كان نوع الخيانه .. الي عم تعمل عمل من ورا زوجها شو ما
كان يكون وبأي حجه هو خيانه .. فكيف هيك عمل ..
والي عم يدافع عن الموضوع بصراحه .. بيكون بيحس بنفسه هالشي .. لذلك عم
يدافع عن نفسه بالدرجه الاولى
والي بيتسامح في امور صغيره ... شوي شوي رح يتسامح بالامور الكبيره
الخاين خاين
نصيحه .. طلقها


-
للأســـف... يلي بيخون مره بيخون كتير....يعني قصة التوبة
والمســامحه انســاها...لأنها مو صديقة ..هي زوجة وام اولادك يلي رح
تربيهم!!
بالتأكيد القرار صعب ...والطلاق ابغض شيء احله الله...ولكن لاخيار..
مع الخيانه
كله الا الخيانة
لو انه عالنت فقط..كانت نصف مشــكلة...
بس هاتف!!!!!

اعانك الله


على اساس انت احسنن منها يعني ما عملت فضيحة لمرتك وخليت الناس تسب
وتحكي عليها وعم تاخد اراء الناس ع النت يعني الك حلال والها حرام بلكي هي
بحاجة حدا تحكي معو وانت بفكرك انك موجود و انت مو هيك عيب تخلي الناس تسب
بمرتك بهالطريقة لانو كلو بيصير شريف مكة وعم يعطي امثلة كيف المرأة لازم
تكون عييييييييييييييييييييييب عليك

-سوريا

بما أنك رجال

بكل بساطة هي خيانة ، وبما أنك رجال قلها وليش متردد يعني ! وخلي
تحكي معك قدامو عالنت وأنت أحكي معو عأساس زوجتك وشوف بعينك مدى العلاقة
وخيرها أما الحكي مع الشباب أو أنت وأنا بدالك بلغي النت كلو وانتهت القصة
أو ليش تلغي النت ! في حدا بالعالم بيقبل يعيش مع زوجة إمرأة لعوب وخاينة !

أخي العزيز
سألت نفسك شي مره مالسبب؟
أنت تحادث بنات عالنيت أو عالهاتف؟
عندك علاقات مشبوهه؟
تعطي زوجتك كل ماتريد؟
أسأل نفسك هذه الأسئله تجد الجواب!
أذا كان في شيئ من هالحكي جرب تصلح نفسك =تنصلح زوجتك بأدن الله
أتقي الله في أهلك

[/b]اولا انا امرأة متزوجة واقضي معظم وقتي على النت ولدي
اصدقاء رجال وزوجي يعرف واحادثهم باستمرار انا برأيي انك تثق بمرتك لأني
انا بالاول كنت خايفة من زوجي بعدين عطاني الثقة لهيك مابسمح لنفسي اني
اغلط والواحد منا بغربة احيانا بيحس حالو بحاجة رفقات ومو دائما الرفقات
البنات بيريحوا انا رأيي ان بعد الظن اثم تاكد بالاول وعطي مرتك الثقة
والحنان وانشاء الله شكك بيكون موبيمحلو الله يوفقكم

[/b]عذيزي اقترب من زوجتك راعي مشاعرها ابحث عن الفراغ حسسها بل
الرومنيسية غيرلهاجو البيت اخرجها الي اجواء الحب والرمنسية مع تحياتي للك
بل التوفيق


[/b]طلقها في الف وحدة غيرها

قرأت كل التعليقات و جهزتلك الخلاصة

بتتبع الخطة رقم
1‏"‏-أنت المذنب ولازم تروق مرتك وتمشورها وتعشيها بمطعم وتعتذر لأن
عندها فراغ ومالة
إذا مامشي الحال
بتتبع الخطة رقم 2"- بتصاحب مرتو لغريمك ع النت كمان أذا مامشي الحال عليك ب
3"- ع المطار وبالقشاط هدا بضر وهدا بينفع كمان إلى 4"- بتطلقها وذنبك ع
جنبك
وآخر شي أذا ماشفيت غليلك 5"- بتعتلها عصابة مسلحة وبتريحنا من هالقصة.
قلوب مغلقة وهموم مفرقة

حتى اذا كنت انت عايش معها وبتاكل وبتشرب وبتنام معها يعني انك انت
قريب منها لانه يمكن انت تكون ابعد الناس عنها او زوجتك حتى مو حاسة بوجدك,
قرب هو انكم تكونوا شخص واحد وعنده اسمين..واكيد موشي سهل تنتهي عشرين سنة
خلي صراحةطيبةوزعلك وعدم جرحها طريقك وكسفها وخلي ضميرها يعذبها وصدقني
هيك بتحس انك قديشك كبير وهي شو كانت صغيرة وهيك حا تكون انت كبيرها الي
بدها ترضيه ما تكون متسرع انطور شوي حتى يبين معك

وجهة نظر متواضعة

صديقي العزيز .قبل أن تبدأ بتطبيق أي حل ايجابي يضمن لك بقاء
هذه الاسرة بعيدأ عن التفكك . إسأل نفسك سؤالاً واحداً .هل يمكنك ان تطوي
هذه الصفحة إلى الأبد (بفرض أن المشكلة قد حُلت ) ألن تخطر في بالك هذه
الحادثة في حال وقوع مشاكل او خلاقات صغيرة بينكم ؟ألن يساورك الشك في كل
مرةٍ تراهاد تتحدث على الهاتف أو الانترنت ؟ باختصار شديد ومن وجهة نظر
متواضعة وبـ اللهجة العامية ( الصحن أنكسر ) من الممكن اصلاحه ولصقه لكنه
لن يصلح لأستيعاب السوائل . الأهم من كل ما سبق ( هل انت حقاً زوج
مثالي ومخلص ؟

-سوريا

كل وحدي مفكرة الموضوع عادي لازم اتعنس لحتى تعرف ان-

[b]كل وحدي مفكرة الموضوع عادي لازم اتعنس لحتى تعرف ان

كل وحدي مفكرة الموضوع عادي لازم اتعنس لحتى تعرف انو الله حق
ويلي متجوزي لازم تتطلق على شان تعرف انو الشرف غالي ويلي مو قدرتها تصبر
على زوجها والعكس صحيح لا تتجوز من الاصل هاي مو مشكلة عائلية هاي خيانة
ومالها اي مبرر وانا بنصحك تحكي معاها وتفهمها وتنهي الموضوع بس شو اسلوبها
بالرد لو بررت لنفسها معناها الموضوع عادي عندها وقتها طلقها لو اعتذرة
مباشرة وما فتحت تمها سامحهاليش انتي لما تتجوز على سنة الله مرة تاني ما
بتخلوا ولا بتبقوا وهاد حلال غصب عنكون وليش مصاحبي بالحرام بنلاقيلوا مبرر


-
شو مفكرين الشغلي عادية ومافيها شي كيف بكرى بدكون اتصونوا
بيوت رجالكون -الرجال بيتعب سنين ليكون هل البيت وحضرتكون من حضن الماما
لعندوا ولا على بالكون وبالاخر اقل واجب انكون اتصونوا شرفكم ما عم تعطوه
اهمية ويلي مفكرة الطلاق صعب بقلها لاء الطلاق سهل وسهل كتير على الرجال
لما اتكون المرة عندها هيك موضوع عادي خدي يلي بدك ياه وفرقي سماي ورجعي
لحضنن امك واحكي مع كل الحارة تبقى ولا اتقصري الله يرحم الصحابيات وستي
وستك كانو صبورات وشافوا الويل وتموا صابرات انتو ما شطركون بالمبررات
التافهة

الى جميع المتزوجون تعودا ان تصلوا مع زوجاتكم وتقراؤا كتابكم
المقدس لان الصلاة بين الزوجين وتلاوةايات الله الكريمة تسمو بالحياة
الزوجية الى اعلى مستوى وتبعد شبح الخيانة من الطرفين وتنشى اولادا صالحين
اريد ان اسال جميع الرجال المتزوجين اذا وجدوا دعوة صداقة من امراة على
النيت ماذا يتصرف ابسط امر هو الخيانة ولو بالفكر دون الفعل اخي صاحب
المشكلةمن الممكن ان تقطع النيت و تنسي زوجتك هذاالشخص ولكن لا يمكنك
ملاحقة افكارها او افكارك انت التي ممكن ان تخون ولو لثواني الا
باتجاهكماللصلاة سويااو مع الاولاد.



لا اتحطلها مبررات وكل يلي عم يعلق ويحط مبررات فهي عذر اقبح
من ذنب ما بيجوز تحكي معوا شو صديق ومالة وبدها اتفش خلقها هاد مو مبرر
ابدا في شي اسموا حرام اولا وخيانة ثانيا واصول واحترام ثالثا بقى لا
اتقولولي صديق وبطيخ هل الكلام غير مبرر ليش ما بتصادق بنت متلها وبتفش
خلقها معاها لتشبع ليش شب يعني البطل يجاوب لانو معروف طبيعة العلاقة بين
الشب والبنت لا يوجد صداقة يوجد شهوة وجنس وحب وبس مافي شي اسمو صداقة هاي
خيانة وممكن تعمل اكتر من هيك بداية الرقص حنجلة

طلقها

متل مو هي الهيئة ملت منك انت كمان مليت منها بس ماعم تعترف
بالواقع. طلقها وخدلك شي وحدة صغيورة وفرفورة تردلك شبابك. ولا تحزن ولا
على بالك النسوان مابدهون واحد يلحقهون والا بيركبوه. مشان هيك
طلقها.....
-سوريا
أبغض الحلال

أبغض الحلال عند الله هو الطلاق

طــــلــقــهــا مع فضيحة مطنطنة

سوريا

أنا الت انو عندي نفس المشكلة وبعتبر اني مجرد حكيت مع رجل تاني ولو
على النت وحسيت اتجاهو بمشاعر هي خيانة وهاد الشعور عم يعزبني كتير
-سوريا


اول الشي انا بقل للمعلقين ليش نازلين بالمراة وانو خاينة ولازم
تطلقاا لك عيب هل الحكي شو فيها وانا مرة ومتزوجة زوجي وعندي اولاد زوجي
بيجي من الشغل وبيحط على التلفويون وهاية هية طول اليوم قصتنا بحكي معه
بيقوللي انو عجزان وما الو خلق واني معجزتو واهلي ساكننين بغير دولة
ولاا رفقة ولا اقارب وما في حدافشلو خلقي شو يعني احكي مع الحيطان
ومعنو انا حكيت مع زوجي كم مرة وقلتلو انو انا دايق خلقي وعم صارحو بشو
ناقصة بس كل العادة بيفوت من ادن وبيطلع من ادن . شوف شو منقص من مرتك

-ألمانيا

مو بدكن حرية وحضارة وما بعرف شو
عادي
خليك ريلاكس وتمتع بالحضارة والنت والفيس بوك
الله يستر ما تكتشف انو بنتك عم تحكي مع شب كمان....

قبل ما تعمل اي شي حاول تتأكد مين الرجال بجوز يكون قرايبها او حدا
بخصها وتأكد من هالشي مظبوط بعدا تصرف على اساسو واذا اكتشفت عكس هالشي
فهجرها لانو بغض النظر عن الدين هيك مرة ما بتحفظ زوجا وولادا وبيتها ما
بتلزمك

-سوريا

انا سبق واتعرفت على زوجات عالنت وحدة منهم كانت
متزوجة واحد اكبر منها بعشر سنين وكان فرق الشهوة الجنسية بيناتهن هي
مشكلتها يلي خلتها تحكي معي لانها ماكانت تصل لشهوتها وكان جوزها يتركها
ويروح بعتذر عالحكي بهيك شغلات .
وفي وحدة تانية زوجها كان يحبها بس ماكان يفكر انو يبوسها بالمرة ولاحتى من
تمها ... وفي وحدة كمان كانت مسافرة وعندها وقت فراغ كتير كبير كانت تقضي
وقت معي مشان تعبي وقتها
1 - اهتم بزوجتك وحسسها بحبك الها
2 - عاملها بالمنيح اعميل حالك مابتعرف عن علاقتها
طلاع انت وياها مط

انتبه .اول شي لازم تعرف غريمك من وين لانو بتفرق كتير .هلا اذا انت
سوري وغريمك من سوريا فالموضع خطير ويمكن يتطور الى علاقة غير نظيفة
.ولازم تعرف موضوع الحديث بين زوجتك و غريمك .ودير بالك لا تفاتحا بالموضوع
نهائيا .حاول تصل على الباسوورد ايميل زوجتك حتى لو اضريت تستعمل برنامج
معين ..وفوت على ايميلا وشوف تاريخ المحادثات .هلا اذا كان من بلد تاني من
غير بلدك ممكن يكون الخطر اقل .بس اذا كان غريمك من بلدك .هون لازم تنتبه
كتير .النسون غدارات راقب طلعاتامن البيت .اذا تاكدت من شي ملموس طلقها
فورا.

-
لك ياشباب وباصبايانحنا بدنانهدي الوضع مو نزيد كاز عالنار انا
برأيي انو مرتك غلطت وممكن ما تكون خيانة متل ما الكل عم يحكي ممكن تكون
لقيت صديق تفشلو البها لأنك بعيد حاول تتقرب منها اكتر يعني 20 سنة مو
سنتين رجاع وكون الصدر الحنون والقلب الطيب معها اكيد انتة عم تبعد عنها
رجاع اتقرب اكتر اشغللها وقتها المشكلة بسيطة اذا ما كان الموضوع متجاوز
حدودو طول بالك وبالرواق بينجل كل شي لا تضيع عشرة عمر بكلمة تندم عليها
بالتوفيق والله لا يفرقكم ابدا
-و الله العظيم يا ابو يزن انك واحد نهفة عالاصلي و حكيك جواهر


-
من تاني يوم خبرتو وغار وجن وانا مبسوطة وكان بدو يغيرلي
ايميلي بس رجع وقلي انو بيثق فيي ونسي الموضوع يعني صحيح الغربة صعبة
عالمرا كتير بس هالشي ما بيوصل اني خون جوزي لوبكلمة او نضرة حتى ولو كان
مقصر الله يهدي مرتك ويوفقكون ويصلحها بينكون والافضل انك تصارحها بهدوء
وتعاتبها وبعدين تسكت وتهجرها بس يوم رح ترجع لعقلها لانو نحناالنسوان عنا
الدبح ولا الهجر بس لازم يبين عليك الزعل مزبوط ها والافضل انو اولادك ما
يعرفو بالموضوع ولا حدا بيعرفكون والله يوفقكون ويهديلك مرتك

-
هلاء مشان ما تظلم حالك و تظلما لازم تعرف طبيعت العلاقة و بامكانك
تعرفا بطريقة برنامج تسجيل كلشي بيصير بالكومبيوتر اللي بتستخدمو سجل كلشي و
القي نظرة عليه لمدة اسبوع و من خلال اللي رح تشوفو خود القرار اذا
الموضوع خيانة بيكون مافي الا اي مبرر لو شو ما كان السبب اذا صداقة عادية و
ما بتناسبك بتفتح معها الموضوع و بتقلا ما بيناسبني وقتا هية بتختار ولا
تناقش كتير هيك مواضيع الحسم فيا كتير ضروري و بكلمتين يا ابيض يا اسود .
مستغرب كيف متحمل لهلاء انت
-
والله غريب امركون يا نسوان انا قريت كل التعليقات
وتفاجئت بتعليقات البنات انا كمراة متزوجة اكره شي اسمو خيانة ودايمابحاول
ضل على عفتي (العفاف) يلي ربتني عليه امي الله يطول عمرها وبخاف وحتى لو
كنت لحالي بالبيت وما في حدا شايفني براعي شعور جوزي حتى بالافلام
والمسلسلات يلي بشوفهاوكل ما طلع زلمة حتى لو كاشف عن صدرو بغير القناة
فورا لانو الحياء هو زينة المرا ازا جوزي يلي هو جوزي ضليت 6 شهور بعد
الزواج وبعد ما طلعت عيونو لحتى بطلت استحي منو وحاكاني كم شب عالنت شي
بعرفو شي ما بعرفو فورا
-
اخبرها كم احببتها طيلة عشرون عاما وكم ااااالمك هذا الشيء
حاول بكل ماتستطيع اعادة علاقتكم كما كانت
عندها يتبن لك الحل النهائي(ممكن او غير ممكن)
قد يكون الموضوع زلة قدم ولا احد معصوم عن الخطأ
ان مجرد وجود انترنت مفتوح في المنزل مع وجود مواقع مثل الفيس بوك على
الانترنت وبقاء اي رجل او امرأة فترات طويلة على الانترنت وخاصة في الغربة
كافي ليعرض ويستجلب اي شخص حتى لو لم يكن يفكر في اي علاقة غير صحيحة
ولا تنسى ان ذلك من ضرائب الغربة والانترنت بلا مراقبة وبعض المسلسلات .
وربما يوجد تقصي
-ا
اخي الكريم
المرض بأوله وممكن علاجه
اولا ارجوك ان لا تنسى ان الطلاق ابغض الحلال الى الله الطلاق له مساؤ كثيرة وخصوصا عند معرفة ابنائك عن سبب طلاق والدتهم
ثانيا من الضروري عدم معرفة اي شخص بالموضوع نهائا
ثالثا تأكد من مدى العلاقة وزمنها فاذا كان الشخص في بلد اخر والموضع مجرد انترنت فأذا باب التوبة قريب وسهل جدا
فكر في قول الله تعالى والكاظمين الغيظ والعافين عن الناس والله يحب المحسنين
لا بد من مصارحة زوجتك بكل هدوء وفي وقت مناسب ومكان مناسب
ادرس موقفها وردة فعلها بعد ذلك
تتمةفي
-
أولاً اقدم لك التحية لصبرك وحكمتك وطلبك النصح،وثانيا انصحك ان
تشغل وقتها قدر الإمكان وتغرقها بالهدايا والكلام الجميل وتذكرها في كل
لحظة انه ليس عندك غيرها ولا تستطيع ان تفكر ان تحيا وهي بعيدةعنك
=================
حسن معاملتك معها قدر الامكان، وأكثر من الكلام الجميل والغزل ( لأن هذا ما
تحبه المرأة من الرجل/ ومن المحتمل انها فقدته منك ووجدته عند ذلك الرجل.
================
بعد فترة ( لا تقل عن اسبوعين ) اذا لاحظت انها لم تتخفف من العلاقة معه،
يمكن ان تواجهها وتطلب منها برفق ان تتركه

خيانة شو حبيبتي هلىء اذاكتبت علنت اوحتى حكت معو صارت خياني...
-
أخي الكريم شيء عادي جدا انا في الغربة ومن 3 سنوات بتكلم مع
واحدة متزوجة في احدى الدول العربية الشقيقة وبينا صداقة كبيرة وهي
بتشاورني وبتاخد رايي بكل شي وكتير ساعدتها في حل مشاكلها الزوجية مع زوجها
بدون ان يعلم
الانسان دايما سواء كان رجل او امرأة بحاجة لحد يفتحله قلبه ومش بالضرورة
يكون زوج او زوجة المهم النية الصادقة السليمةوالثقة المتبادلة بين الاثنين

صديقي الخيانة تبدأ بكلمة . وطالما بدأت بكلمة فهي أرضية خصبة
للخيانة فقط يحتاج الموضوع لزمن . والكلمة قد تكون ملل فشة قهر ثم يدخل
الشيطان فيحدث ما لا تحمد عقباه . العلاج بيدك أنت فقط . والمؤمن كيس فطن .
احسم أمرك فالشك يأكل جسدك وعقلك ولا تترك للشك طريق إليك . لا تنسى أنك
إن صارحتها ولو اعترفت ستعدك الوعود الشتى لعدم العودة لإنها ستأخذ
الاحتياطات اللازمة في المستقبل والمؤمن لا يلدغ من جحر مرتين . أنت أعلم
بالدواء منا . فأنت في قلب الحدث ونحن مستمعين . نتكلم بما تفضي إلينا به .

أخي الكريم مشكلتك ليست مستحيلة الحل مشكلتك منتشرة و
كتير من الأزواج بتصير معهم و زوجاتهم بتساوي علافات عالنت و أغلب الأحيان
بتنتهي بدون ما يعرف الزوج أصلا بالفصة, سبب هل الشي الفراغ يلي بالغربة و
المسلسلات التركية يلي عمتدمر مجتمعنا و البعد عن القراءة و البعد عن
الدين بالأضافة لبعد الزوج أصلا عن زوجته لازم تترك وفت منيح لبيتك و زوجتك
و تسمع مشاكلها أنا برأيي اذا زوجتك بنت أصل و ذات منبت حسن طول بالك و
تعامل بهدوء معها و تقرب منها و شوي شوي بيمشي الحال
-
متل ما قلك الأخ مجرب طلقها ورميها منشان تعرف إنو خربت بيتا بإيدها
ولا تفكر بالأولاد لأنو بدون هيك إم بيتربوا أحسن ما يتربوا مع إم عم تحكي
مع واحد غريب من ورا ظهر أبوهن وصدقني الحكي مع هيك نوعيه ما بينفع دق
المي وهيي ميودنب الكلب بيظل أعوج لو حطوه بالقالب مليون سنه
-سوريا


اخي تصرف زوجتك خاطئ اكيد لكن عليك ان تعرف ما هو سبب هذه
المشكلة او المصيبة ربما هو حدوث فراغ كبير في حياتها او اعتيادها على
روتين يومي جعلها تتوق الى التغيير فاختارت ذلك الطريق .. نصيحتي ابحث عن
طريقة تعيد فيها دفء الاسرة وحنان الابوين وزينة الدنيا وهم ابناؤك
بالتوفيق ان شاء الله

أنا عرفت متزوجات بحياتي...اي والله من تحت راسك وراس أمثالك خربت هل العيل>>> الله لايئيم....ك
-
ممكن تكون الزوجة مبدعة بإدارة المنزل و تربية
الأولاد و لو مو هيك ما كان استمر معا 20 سنة . الطلاق بياثر عحياة الولاد
المستقبلية و نظرة المجتمع الن و لأمن و بتعرف المجتمع عنا المتمثل
باشخاص متلك شو قاسي . فورا صارت في قصة جنسية عندك ؟ شو حسن الظن هدا ؟
أكيد الله يعينو اللي بدو ( يبتلي) أدا كان بعقليتك المريضة لأني رح أهلكوا
قبل ما اقطعلوا كرت !!!!!!

-
أنا مرة متزوجة وعندي نفس مشكلة زوجتك صدقني ما في مرة بتحب تخون
دور على السبب يلي خلاها تلجأ للنت وأنا برأيي تواجهها وتهددها كمان لانو
هاد الشي الوحيد يلي رح يخليها تبعد على النت لانو إذا كانت زوجتك عم تلاقي
عند هاد الشخص شي فاقدتو كتير صعب تبتعد عنو حت لو قررت ها الشي

-سوريا

مغترب مقهور

[b]ان بعض الظن اثم

يعني اول شي اعرف المشكلة من زوجتك وصارحها باللي شفتو وسمعتو وشوف
شو ردة فعلها وليش عم تعمل هيك كمان ممكن يكون انت نقصر مع مرتك بالعلاقات
العاطفية او الامور الجنسية او الاهتمام يعني اذا طلعت وحكيت كلمتين مو
معناتو انت ملاك وزوجتك مخطئة مرتكبة لجريمة يجب محاسبتها عليها شوف حالك
بالمراية اكتر وكمان مرتك خلي تشوف بنفس المراية بركي بتبان الصورة الصحيحة
الكم انتو التنين والله الموفق على كل حال
[size=34]هكذا كتبوا له ... فماذا تكتب أنت[/size]

تابع.................

لا ترد على دعاة الطلاق

كل إنسان يحتاج إلى شخص يستطيع التكلم أليه دون ان يشعره بانه
اقل منه او يستسخف افكاره خطواط عملية لحل المشكلة:1- حاول ان تشغل زوجتك
بشي أخر .السبب الاكيد هو الفراغ. انت في الغربة واكثر شي يفتقدهالإنسن في
الغربة هي الرفقة. فشجع زوجتك على الانضمام إلى جمعية خيرية أو نادي رياضي
أو تعلم لغة او أي شي يشغل فراغها ويشعرها بقيمتها.
2- انت اكد على حبك لها وقيمتها الكبيرة عندك وكلمهاعن اخبارك اليومية ولا
تتملل من احاديثها.
3-الاستمرار على ذلك شهرين على الاقل

-
بربي نسيت موضوع المشكلة وتفاجئت بالتعليقات
قصدي تعليقات البنات
وخصوصي تعليق سوسن جد شي بيرفع الراس
طبعا انا ما بدي انتقدك انتي حرة برأيك بس شي بيفاجئ


-سوريا

خليك(relax)::

حبيبي ادي صرلا ع متحكي معو..اذا سنه..لازم تسألها عن شعورا
الو..ياحلو ياحبيبي شو بحبك بالدني وكل سني بحبك اكتر من سني..

العمل

حبيبي هيدا اسمو ملل و فراغ خلي مرتك تشتغل و شوف كيف بتتغير و بتحس فيك و بتعبك و بتكون معك
الله يلهمك ع الصح

الحواااااار

سيدي الكريم من الخطا برايي طرع موضوعك كونه الكل مو ملم بتفاصيل
القصة كاملة تانيا لازم توعى شي انو انت بغرلة وكل وقتك رايح بالشغل بدك
تفهم زوجتك كائن لازم تراعيه وتشوف همومه اوك رايي الحوار والنقاش
والشفافية الهروب مو حل بجوز مجرد شخص بدها تحكيلو همومها ولا سيما المراة
بتحب مين يسمعها انا عرفت متزوجات بحياتي وبحبو ازواجهن كانو بس يحكو مشان
همومهم تروح وبيحترمو ازواجهم ومافي اي تعفيس وللا تخبيص
-
بعد هالمدة من الزواج و بعد 3 ولاد لازم يكون في سبب
مخلي زوجتك تحكي مع غيرك..و هالسبب عالاغلب انو ماعندك وقت تسمع هموما و
تحكيلك شو عم بيصير معا لهيك هيي عوضت عن غيابك من هالناحية بانها تحكي مع
شخص مابتعرفو و لا بيعرفا و ما بيعنو لبعض شي غير انون بيسمعو هموم بعض
و الحل اكيد مو الطلاق و بعدو تماما عن ذهنك و اتذكر انو لكل شخص اخطاء
مافي حدا ما بيغلط بس انت حاول انك تسمع هموم زوجتك اتحاول تعطيا الشي اللي
فقدتو منك ف عوضتو بغيرك بالمختصر قدملا الشي الي ناقصاو اهم الشي احكي
معا بالحسنى

طول بالك

يا اخي كيف عم تخونك بس لا ن حكت معو علنت صارت
خاينه-بجوز من فراغ الغربه -وبعدين لا تكبر الموضوع يمكن العلاقه مو اكتر
من صداقه وازا انت مو متقبل الامر صارحها لا تخرب بيتك

الى عمار..صدقت ورب الكعبه..

أل على اساس الرجال قوامون على النساء..ياتسلملي.الى صاحب
المشكله..انت منين عرفت بهذا.الموضوع هل اخبرتك زوجتك عنه معناه زوجتك
صريحا لاتخفي شيء صادقه وواثقه من نفسا.لكن اسألها ماشعورها نحوه..وبعدين
قررو..

-
أنا بنظري يا صديقي انك تتعرف على مرتو لهاد يلي عم يحكي مع مرتك و
تكونو صداقات جديده يمكن هي كمان مالة من جوزها و هيك بتكونو طبقتو نظرية
اينشتاين في تبادل الزوجات ... إياك و الذبح ... الذبح حرام ....

اقتراح يستحق التفكير

هناك شيئا غير طبيعي في علاقتك مع زوجتك يجب ان تعرف
ماهي همومها ولانها تتواصل مع شخص اخر عبر النت يعني ذلك ان هناك ماتفتقده
في علاقتها معك والاقتراح ان تنتحل صفة شخص اخر تتواصل معها عبر النت
وتدريجيا تكتسب ثقتاه وبعد تسمع منها وتستوعب منها وذلك عبر شخصيتك
الافتراضية وبعد سماع معاناتها تقدم لها الحلول من خلال شخصيتك الحقيقية
وكل مشكلة تقدمها زوجتك مع شخصيتك الافترضية ودون ان تكتشف شخصيتك الحقيقية
تختفي سخصيتك الافتراضية تدريجيا لتحل محلها شخصيتك الحقيقية التي تقدم
لها الحلول .جرب

كثرت الذكور وقلت الرجال

انا اسف بس حيبت اقولك"كثرت الذكور وقلت الرجال" وبيداك تسأل نفسك انت من اي صنف
>الرسول حذر من هاذ الزمن صلى الله عليه وسلم

نفس تجربتي

المشكلة تكمن في الشك
هل تستطيع ان تكمل حياتك معها بدون ان تشك فيها
الشك سيساورك بوجود علاقة جنسية
ستخرج من بيتك و تعود فجاة لتراقب تصرفاتها

مافعلته انا عملنا مخالعة رضائية و قمت بتطلقها
وتزوجت ثانية والله رزقني بزوجة مثل حوريات الجنة من الاخلاق و الادب و الشرف
وعندي ولد من طليقتي و هو يحب زوجتي الثانية اكثر من امه الحقيقية

وعسى ان تكرهوا شيئا و هو خير لكم
ابحث عن الاسباب بايجابية

أخي الكريم
لا تفترض الانحراف بل ابحث عن الاسباب وان كانت غير مبررة بالنسبة لك. يعني
بعد 3 أولاد وسنوات عديدة بالزواج أكيد بيكون الملل هو فرد آخر بالأسرة
وانتو مو حاسين عليه. أنا بنصحك ببرنامج كامل من الخروج عن الروتين بينك
وبين زوجتك حصرا إن كان بالحياة الجنسية أو بالحياة العاديةوبنصحك تبلش
بالحياة العادية. من خلال دعوة عشا مثلا انت وزوجتك لوحدكن أو وردة منك
بدون مناسبة والأمثلة كثيرة وانتهاء بالتغيير والتجديد بالحياة الجنسية.
والله يوفقك

شرقيون
نحنا الشرقيين منصاحب مية وحده
و منعمل "علاقات" كتير من ورا نسواننا
و بس نشوف انو نسواننا يادوب عم تدردش عل نت بتدب الحميه و منصير نخاف على اعراضنا
اخي الكريم لا تخون زوجتك وانت روح لعندها والغي المسافات يلي بينك وبينها
وحاول تبلش تدور عل حل من عندك ومن جواتك وشوف بشو مقصر معها
واعتبر انو الخطأ خطأك
وانت المسؤول

-سوريا

بدية انحراف

آسف على التعبير و لكن هذه بداية انحراف و انا لو كنت
مكانك بطلقها بعد ما أثبتلها هالشي , صحيح في مشكلة أطفال و لكن أفضل ما
تتطور الأمور ويكون عندن هيك أم مائلة لطريق الانحراف
-
المصارحة

صارحها بالموضوع.
الزواج تفاهم قبل ما يكون أي شي ثاني. والعائلة التي لا تبنى على التفاهم لا تستحق أن تسمى عائلة.
صارحها بما تعرف واسمع ما لديها، وبعدها يمكنك اتخاذ القرار الذي تراه مناسباً.
قد يكون الأمر بريئاً جداً، وقد يكون غير ذلك.
في كلتي الحالتين، يجب عليك مصارحتها، وبعدها يمكنك اتخاذ قرار مبني على حقائق، وليس على شكوك.
-
بدايةبالمطلق يلي عم تعملومرتك غلط

بس انت عندك عيلةوولادمالازم تخرب حياتهون مشان غلطة.لازم تراقب
محادثتهامعو.حاكي من ايميلهاعاساس انت هي وحكي معوبشكل عام وشوف
شولطريئةوشولمواضيع يلي بيحكوهاسوى بعدهيك بتعرف وبتحكم ازاكانت علاقتهون
بريئةوفشت خلئ اولاء.وعلى هالاساس بدك تتصرف.ازالعلاقةبريئةصارحهاانك كشفت
تصرفهاوكون حازم وحادبالموضوع مشان ماتتطورعلاقتهون وحسسهابغلطهاوتاثيروعلى
علاقتكون ونظرتك الهاونظرة ولادهاالهالوكشفوهالشي.اماازاماكانت
العلاقةبريئةفهددهابالطلاء ازااستمرت بسلوكهاوازاماتربت فالطلاء بهالحالة
خيارهاودواها.الله يهدي سركون

-سوريا

سوسن

[b]حالة قريبة

بعد 12 سنة زواج أصبت بمرض فظيع و عندي ولدين كان زوجي مشغول عني
دائما و لا يهتم بي و بالاولاد و مع هذا ما رحمني عندما علم أنني كنت فقط
أتحدث مع ابن جيراننا يطمن علي و أطمن عليه فقط و هو حتى اليوم لا يسامحني
مع ظروفي القاهرة و يعاملني بكل قسوة و ظلم و أنا لا أعامله بهذا الشكل مع
أنني أعلم بعلاقاته الكثيرة جدا جدا
لبنان

لا لا لا تحرق أيامك ولا تفتت ذكرياتك وذكريات أولاد

أرجوك لا تخرب بيتك وتهدم صورة زوجتك بعين أولادك بل
واجهها بلطف وهدوء واهتم بها وبجمالهاأكثر بغض النظر عن الماضي وتفاصيله،
فلا داعي لأن تثير الألم في داخلك أكثر -هذا ما فعله زوجي فأعادني بقوة
لداخل داخله ولن يبعدن عني يوماً شيئا ًولا حتى الموت، ربما أنا وقتها لمت
نفسي كنيراً لأن تلك الأيام زادتني بعداً عنه، أنا لم أتصرف بشكل لائق لأني
كنت أتقبل الغزل وحلو الكلام من ذاك الآخر بسعادة أشكر الله أن تلك القصة
انتهت وآمل النهاية السعيدة لقصتكم أيضاً بأقرب وقت، وفقكم الله!!

سوريا

انا تعبت من الناس1


اسف على الرد...بس !!!!!!

طلقهــا..

-سوريا
العقل مطلوب ولكن

الفطرة بالمرأة هي الوفاء وهالشي صدقني كل امرأة بتحب تكون لشخص
واحد والمفروض تكون انت هاد الشخص... ارجع للاسباب اللي وصلتها لهون وتأكد
من طبيعة العلاقة..بعدا صارحها وفهمها لأنو انت الوحيد البيقدر يضبط الوضع
ودايما اختار اهون الشرين...وفكر شو رح تكون عواقب الطلاق عليك وعلى أولادك
اذا ثبت عليها خيانة عاطفية مافي داعي تعطيا مجال وطلق بس اذا مجرد فضفضة
حكي بدك تطول بالك..
ممكن المرأة تلجأ لتحكي مع شخص بتفكر أنو بفهما وبيهتم أكتر منك.. خليا
تعرف قيمتا عندك وصدقني مارح تعيدا


-
اي بسيطة

اذا الموضوع صداقة على النت بس مافيهاشي كل وحدة بحاجة لأصدقاء
وخاصة بالغربة وما بتعرف حدا واذا القصة حب وعشق كمان برأيي تركها وهي
لحالها حتعرف انها مجرد نزوة وبترجع لعقلها وخليك عامل حالك مو عرفان بس ما
تخاف الا اذا صارهالشخص بنفس البلد....

العقل مطلوب ولكن

الفطرة بالمرأة هي الوفاء وهالشي صدقني كل امرأة بتحب تكون لشخص
واحد والمفروض تكون انت هاد الشخص... ارجع للاسباب اللي وصلتها لهون وتأكد
من طبيعة العلاقة..بعدا صارحها وفهمها لأنو انت الوحيد البيقدر يضبط الوضع
ودايما اختار اهون الشرين...وفكر شو رح تكون عواقب الطلاق عليك وعلى أولادك
اذا ثبت عليها خيانة عاطفية مافي داعي تعطيا مجال وطلق بس اذا مجرد فضفضة
حكي بدك تطول بالك..
ممكن المرأة تلجأ لتحكي مع شخص بتفكر أنو بفهما وبيهتم أكتر منك.. خليا
تعرف قيمتا عندك وصدقني مارح تعيدا

-سوريا

رد

وداوها بالتي هي الداء أي أن تراسل امراءة بالطريقة التي
زوجتك تراسل هذا الشخص وتصرف كأن زوجتك لا تدري بتصرفك وانظر إلى موقفها


الأهم

خلي عندك مسمتساكات و بعدين عمل اللي بيريحك...بس خلي عندك مستمسسسكككك

-سوريا

لا تحرق ماضيك وأيامك الحلوة!!

عزيزي الكاتب: لكل انسان منا أخطاءه وضعفاته، المهم أن يراها
وأن يعيها، مع احترامي لكل من شارك بالاجابة اسمعني أنا ولن تندم فأنا
امرأة ومررت بهذه التجربة عينها، أنا بالغربة وزوجي مشغول جداً وكنت أراسل
شخص باستمرار على النت كصديق ولا أنكر بأنه جذبني باهتمامه ومشاركته لي
ولكن أبدأً لم أخن زوجي ولا حتى بالتفكير، كل الامر بأنني وجدت من يسمعني
ويتبادل معي أطراف الكلام، /يتبع/

سوريا


آســـــــــــــــــــــــــــــــــــــــيا 6


[b]حق العشرة!!

السلام عليكم،،،كنت حابة بس وضح لكل مين تفضل وقال إنو هيه يمكن
عم تفش خلئهالانو مغتربة،،،الخطئ بيضل خط..وهالشي مالو مبرر لحتى تغلط.
الأستاذ صاحب المشكلة انا بحب قلك إنو بإمكانك تعزم مرتك على مكان بتحبوهيه
وضل مبتسم إنتا ومعها وبالجلسة خبرها إنك بعد 20 لهلأ بتحبها وما فكرت
تخونهاوإنو قلبك مفتوح إلها إزا عندا أي شي حابة تصارحك فيه ..وبهالطريقة
بتصحى على حالها وبتندم على الشيي إزا كانت عنحئا عاملتو (قصدي إنك ماتكون
عم تظن فيها ظن سوء)...وأنا متأكدة إنو كلشي حيكون سمنة على عسل.

الإمارات

ناصحة

السلم سيد الأحكام

يا أخي الكريم لم أقرأ التعليقات بعد ولكن لي نصيحة لك صارح زوجتك
وحاول أن تكون هادئاً وحكيماًوليس متوتراً وغاضباًاضبط أعصابك كثيراً وأنت
تحاورهاعلك تصل للسبب الذي جعلها تتحدث مع آخر غيرك ربما الفراغ بينكما أو
الفتوراملأ فراغهابالتحدث إليها خذها مشوار كل فترة بدون الأولاد اسألها عن
أدق التفاصيل اهتم بأصغر أمورهاالشخصية طبعاً أظهر لها ودك وعندها لن
تحاور أحد غيرك فهي حسب راي تشعر بفراغ ليس المهم أن تهتم بأمور البيت
والأولاد وتكون رجلاً بالمساء الأمور الصغيرة مهمة جداوالله يهدي النفوس


-سوريا

مجرب


[b]فراغ عاطفي

يعني شوف حضرتك شو مقصر معها و حل المشكلة، يمكن أنت ما عم تحكي
معها و عندها فراغ عاطفي...برأيي تعبيلها ياه بوية قصص حلوة بتقوم بتنسى
هداك الزلمة...يعني هي مو خيانة هي ضيقة خلق و فراغ...لازم تعبيلها ياه و
تحافظ على بيتك

-سوريا
بصراحه أنا ضد نشر هيك موضوع عاصفحات الانترنيت لان كل
واحد رح يبعتلك كومينت عن تجربتو هوي أو تجربة أحد الاصدقاء مشان هيك
ياصديقي مشكلتك محلوله أصلا انت كاتب بأقل خسائر ممكنه يعني مالك جاهز
نفسيا ختى تاخد خطوه جديه أو بالأحرى اللي بيواجه هيك مشكله مابيطرحا
عالناس لان موضوع حساس وحلو بايدك اذا مأكد انو مرتك عم تحكي مع حدن غريب
سواء عالنت أو عالجوال لازم تاخد خطوه جديه لان هيه ماعملت حساب حبك
وولادكن وأذا اقتنعنا جدلا انو صديق مش أي شي تاني فأكيد انت مارح تنطر ختى
يصير يللي أكتر من هيك
الى ريما


الشغلة ما بتستاهل؟؟ شو يلي بيستاهل انسة ريما؟؟ انو تروح تعمل
علاقة جنسية مع الرجال التاني مشان يصير الموضوع مستاهل؟؟؟
ومشان البنت يلي عندو , هيك افضل تضل بعيدة عن هيك ام لا بتحترم الرباط
المقدس بينها وبين زوجها , ولا بتحترم الاخلاق. مشان هيك الله يكون بعونو
يلي بدو يرتبط فيكي.....

-
حلك بسيط .. وعندي ..

حبيبي كتير بسيطة صدقني ابعتلي ايميل مرتك وأنا بحكي معها وبشوف
اذا كانت عم تحكي عن حس نية وملل ول في شي من كلامها يعني بالعربي بختبرلك
ياها وبردلك الخبر أوكي مان .. ناطرك .. حكي فاضي

جدلاً راح صدقك بس أنا شايف عقلك زغير لتطلب المساعدة
من اللي عم يتمنطقوا على هذا الموقع ، يا أخي معظمهم مندسين ومسلحين
وملثمين وعناصر ارهابية ، ارجع لعقلك وهذا مانو مكان لطرح هيك مشكلة وبعدين
من شو خايف ؟ إذا حكيك صحيح واجه واقطع راس القط


هام للزوج

حبيبي انا شخصيا اقمت عدة علاقات انترنت مع مغتربات ع النت
المهم في انواع نوع عم تتسلى طائة من الغربة و الوحدة و نوع عندها حالة جنسية نتيجه مشكلة مع الشريك بتحب تخبص
بس بكل الاحوال ما في وحدة فكرت بالخيانة ع ارض الواقع
يعني الشي يلي عم تسوي مرتك مو خيانة هي بتفش خلئها لهل الكمبيوتر يلي علاقتها ما تجاوزتة
فلا ترد على المتخلفين هون واعتبرها نزوة
هنن عم ينجعو ويقرر ويخب بتك
متل ما كان يصير معي بمرحلة ما خلال عامين
و شرعاهادا ما تجاوز النوايا و الدين لا يحاسب ع النوايا فهمتني

سوريا
المشكلة انك متوتر وما عبتعرف تفكر منيح.
اعزما لهون على البلد كم يوم واول ما تصير بالمطار, بالقشاط هون بيجعِك
وهون ما بيجعِك هيك لحتى تفش كل اللي فقلبك وتكون ربيتها على المزبوط .
وبعد هاد بتفكر على رواق وبتشوف اذا الموضوع مستاهل الطلاق والا في محل
للصلح.
-
لا ترحمها

اعجبني رد( مجرب ) ويجب ان تعمل بما قاله. اما ان تكون مسمارا
فتدق او ان تكون شاكوش فتدق. لا تأخذك بها رحمة هي لم ترحمك ولم ترحم
ابنائها. اتبع نصيحة مجرب وذنبك على جنبك

الخيانة خيانة مهما كانت الاسباب

اخي مابدها مشاورة الموضوع واضح اللي بتخون مرة بتخون مليون مرة
لازم ولكل شخص قلك انو كبر عقلك وصارحها أو من بعض المعلقات اللي بتقول
مجرد صديق اكتروني او انو بتكون الوحدة بحاجة لحدا تحكي معو هاد الكلام مو
صحيح وما عندها اي مبررر لتحكي مع حدا وغذا اضطرت تروح تحكي مع اخوها او
ابوها او خالها او عمها بس هي اسمها خيانة وانا بعرف قصة بلشت هيك وتتطورت
لدرجة انو تقابلو عالسرير يعني سرير زوجها يعني خيانة على نفس الفرشة ( قال
شو بتحبو ) الطلاق ثم الطلاق ثم الطلاق وربي يوفقك

السعودية

عمر أخو أليس في بلد العجائب2011-06-20 09:33:32


هادا الحل ظريف

بسيطه ليش معقد حياتك عاملها بالمثل و شوف ردة فعلها احكيلك مع شي
بنت و لو بشكل وهمي المهم تحسسها انك عبتحكي مع حدا تاني و قلها انو هي
رفيقتي كانت معي بالصف الرابع :) و اذا حكت شي وقتها انته رح تعرف كيف
تسدلها بوزها و هون عندك حلين .. يا أما مرتك بتاخود العبره من هالقصه و
بتوقف حكي مع عالم غرباء و بتغار عليك و بتخاف على حالها و بيتها و
ولادها... يا أما بتصر هيه على أنها تحكي مع الغريب و هون صار في مشكله
المخلوقه مو سائله على حدا كمان عاملها بالمثل و قلها الله معك و القلب
داعيلك


مشكلتي مشكلتك

شوف اخي دنب الكلب اعوج ولو حطيتو 100 قالب يعني الخاين وناكر
الجميل لو واجهتوا رح يعتذر بكل برودة اعصاب ورح تقول الك انو انت مقصر
بحقها ومن تحت لتحت رح تخونك بس واجهها على الحالتين وحط على عينها وانت
بالمقابل خليك مع ولادك وشوف حياتك مع وحدة تانية وانبسط وازبلهالانو
مافيها خير واعتبرها خدامة الك ولولادك ببلاش ولك اخ من هالزمن العاطل يلي
الواحد منا ما بتجي الضربة الا من اقرب الناس الله يعينك فتحتلي جروحاتي
روح اخي الضحكة وتشوف الفرحة بعيون ولادك بتسوى الدنيا وما فيها


-
اهم شي تعرف شو نوع العلاقة

لانه ممكن كتير تكون هي واياه بس اصدقاء وتكون لانها
بالغربة بحاجة لحدا كصديق او صديقة تفشله قلبها .. ( انا برأيي الشخصي انه
حتى الصداقة مع امرأة ممكن تنقلب لحب بعد تعود الطرفين على بعض ).. لذلك
بعد ماتعرف نوع العلاقة اذا كانوا بس اصدقاء صارحها بانه هادا الشي بيزعجك
اما اذا كانت العلاقة غير هيك فالافضل انك تتركها قبل ماهي تتركك وتتسببلك
بصدمة كبيرة ...


ممكن لحظة لهون

اكيد بعد عشرين سنة زواج و3 ولاد ف والله الخيانة صعبة يعني هلا
صارت عاقلة وراشدة وشبعانة فهم يمكن ف نصيحة لو كان الخطأ في المراحل
الاولى من الزواج كان اخف وبتقدر تسامح مرة بس بهل حالة اكيد مافي عذر لاي
سبب ف بنصحك با المواجهة وابلاغ اهلها بذلك ومن ثم الطلاق لان زوجتك عم
تعمل هيك وهية على يقين انه على خطا وسيؤدي الى دمار العائلة ف نصيحة
الطلاق لان لو اصابك اي شيئ ستتخلى عنك بسهولة يا صديقي

-قطر

مهندس مغترب

خليك رجل

يا صديقي أنا بالأول رأيي إنك تشوف شو طرق التواصل و تلغيها كاملة
يعني غيرلها رقم التلفون و كلمات سر المسنجر أو الإيميل اللي عم تستخدمو.
بعدين لما هيي تسأل خبرها إنو إنت بتعرف بالموضوع و حاولت تساعدها إنو تبعد
عن الطرف الأخر. و إنك مسامحها إذا ما تكرر الموضوع. و بالنسبة لموضوع
كلامها مع طرف تاني هوي خيانة أكيدة, لو مو خيانة و الموضوع عادي فيها
تخبرك إنو صديق زميل شو ماكان أما من ورا ضهرك ما بصير. لازم تعرف أنك مو
غشيم و فهمان اللي عم بصير حواليك.

-
غريبين

الغريب من الي ينصحك بالطلاق ليش معتبر الموضوع خيانة إذا البلد غير
البلداساساوانتو بغربة يعني لازم يكون فيه حدا تحكي معو ولا إذ كانت سيدة
معليش ورجل لاء؟نصيحتي خبرهاعن قصة الصديق الذي يريد نصيحتك بشأن زوجته الي
عم تحكي عالنت مع رجل وان زوجها متضايق من هالموضوع وإذا مافهمت عليك بعد
فترة زمنية قول بصراحة أنك مزعوج منها وإذا مافهمت ساعتها بس فكر بحل آخر
بس مو من أول كلمة منقول (طلقها )حرام عليك


قصتك بتشبه قصتي

انا لما صارحتها صارت تلف وتدور وتكذب ولما واجهتها بالتسجيلات
اعتذرت وادعت انها كانت مخطئة وتابت.
ومع اول اجازة لسوريا ظهرت على حقيقتها وقتحت الموضوع وبدأت تتهمني بعدم
الثقة وانو هي ما عملت شي غلط ورفعت دعوى طلاق وكانت النتيجة الطلاق
بالمحاكم
لذلك بما انو لايوجد خطأاكبر من خطأ الخيانة واساءة الأمانة واستغلال الثقة
اول شي خدها ع السفارة وخليها تتنازل عن كل حقوقها وبعدها طلقها وبعتها
لعند اهلها منشان تاخود راحتها بالإتصال مع صديقها الجديد
ساعتها رح تعرف انها خربت بيتها بإيدها


مجرد رأي

قصتلك سهلة الحل والسبب فيها هو أنت اولا واخيرا ، عائلتك تعيش حالة
من الغربة والغراغ العاطفي وعندما يحصل هذا الامر فمعظم هذا الشعور يراود
الزوجة التي تكون بالمنزل وليس لديها عمل غير اعمال المنزل ، برأيي حاول ان
تتقرب اليها بالمودة وحاول ان تدخل الى قلبها واستخرج ما به من شعور
بالشوق للبلد والاهل والاصدقاء وشعورها بالفراغ وحاجتها اليك كزوج واب واخ
وصديق فنجاح الزواج لا يقف عند علاقة زوجية ناجحة هناك اكبر من ذلك .تودد
اليها بكلمات الحب والمشاعر اللطيفة وحاول ان تقضي معها وقتا اكبر من
السابق .


أفضل دواء هو الصدق اطرح الموضوع عليها صراحة واطلب
تبريرا لما يحدث وتجنب التهور فالعلاقة عن طريق النت بمعظم الاحيان هي
علاقة وهمية


-..........


اذا كان من محافظة او بلد تاني مو معناه في خيانة او مافي القصة
ثاءبت بغير بلد يمكن بس القصة نرجع للاصل هل الزوجة اللي صرلك عمر معك
عبتحس بالملل والرتابة بحياتا لازم هي تمليه باشيا تانية متل اعمال يدوية
تحضر معارض او تشتغل باعمال خيرية بتملا وقتا وبتاخد ثواب لعملا واذا كان
مجرد صديق بحياتا ليش لا اذا واثق من مرتك شو الغلط ولا المحلل للرجل ممنوع
المراة تمارسو انا برايي الموضوع بنحل بالشغل لزوجتك خاصة باين انا كبرت
ولادا وتفرغت اكتر الله يوفقك

-
نصيحة

أخي الكريم لازم تعرف شو هو الحديث يللي عم ايصير ع النت وفي طرق كتيرة لتعرف وعلى اساسها بتقرر
اذا كان الحديث جنسي فالموضوع منتهي واذا كان غير هيك فأنت اقدر الاشخاص على علاجه لانو بكون السبب ممكن تقصير من جهتك

-
حسبنا الله ونعم الوكيل

فوق ما الله كاتب عليك الغربة كتب عليك الهم من هيك وحدة
بصراحة هاي رح تنفسد اكتر من هيك لانو اول الغيث قطرة حاول بطرق عديدة منها
انو تحرمها من النت او تضغط عليها باساليب تانية وراجع نفسك انت وشوف
اغلاطك لانو الك نصيب كتير كبير انها لجئت لغيرك ونصيحة اخيرة
طلقهااااااااااااااااااااااااا


خوووود نفس

طول بالك شوي وضل راقب الموضوع لحتى تتاكد تماما من يلي عم يصير
يعني اول شي اكيد في تقصير من ناحيتك خلاها تلجأ لانها تحكي مع حدا او يكون
في علاقة بينها وبين حدا تاني ..تاكد من طبيعة هالعلاقة ممكن تكون مجرد
فضفضة واو صداقة افتراضية وتنفيس ..حتى لو كانت اكتر من هيك طول بالك وخود
نفس ..الخيانة غير مبررة مهما كانت الاسباب ومن حقك تنهي علاقتها معك قبل
ما تفكر تخونك بس كمان ممكن تكون خطأ وكلنا عندنا اخطاء ..تريث وراقب
الموضوع تاكد من شكوكك وباسوأ الحالات كل مين بطريقو

سوريا
صباح الفل للكل

أولاُ لازم تتأكد مية بالمية انو هي عم تخونك يعني تسمعها باذنك و
تسمع الطرف التاني أما غير هيك ممكن كلو يطلع غير شي , ممكن تكون عم تحكي
مع وحدة و حتى لو حكت مع واحد صارحها هي أكيد طاقة من الغربة و بدها بس حدا
تفشلو خلقها , أكيد يلي عملتو مالو صحيح بس أنت الوحيد يلي ممكن يساعدها
بهالظروف بعدم وجود أهلها أو قرايبينها أو حتى أصدقاء و الله الغربة صعبة,
صلي على النبي و كل شي بالروية بيصير , بأيد فكرة انو تجبلها قصة مشابهة
لقصتكم , الطلاق غير وارد لحتى تثبت الادانة ربي يوفقك



a

حينما قرات الردود و خاصة من الاناث علمت كم انا متخلف

-
يا حرام علي وصلنالو

طلقها و بس و رجعا علبلد لعند بيت أهلها
و انا اصلا ما بعرف ليش عم تسأل كيف بتقدر تعيش مع وحدة عم تخونك
و بعدين شو تعليقات الي عم اقراها و كانوا بعنا ضميرنا و شرفنا و الي بقول
عادي و الي بقول شو مشكلة بس يا حرام على هل الزمن الي وصلنالوا



خيانة المرأة

المرأة خائنة بطبعها مهما قدمت لها ستبقى تنظر للآخرين و لا تتوهموا
بعبارات الحب و قصص روميو و جولييت فإن كانت عزباء مخطوبة أو متزوجة تريد
وجود الرجال في حياتها و لو كان ذلك على حساب زوجها و أولادها فأنا لدي
أكثر من علاقة مع هذا الجنس من مختلف الأعمار و الأوضاع الاجتماعية اكتشفت
أنهن من نفس الخانة نصيحة لا تتزوجوا و لا تصدقوا الفتاة عندما تقول أنك
أول شخص بحياتها فالفتاة العربية كاذبة و تدعي العفة وأول ما تنهي علاقتها
معك تبتدء علاقة جديدة مدعية أنها أول علاقة في حياتها

-
دمشق

طرقها كفين بداية وقطاع النت والتلفون وخليها تعيش
بلاهون هي ما بتستاهل الحرية والحكي عل النت صار تلفون بجوز لو الزلمة قريب
يطلعوا على شي مطعم خلاع رقبتها وخليها عم تربي هل الولاد

-
advice

الى المعلقات

هل الخيانة هي وقوع الفعل فقط
الخيانة انواع في خيانة بالعين-باللسان-بالسمع-بالفعل واول الرقص حنجلة

؟؟؟؟؟؟

القرار السليم هو مصارحتها بما تعرف ة التحدث بينكما بهدوء حول
الموضوع لمعرفة ابعاد القصة بالكامل و الاسباب التي ادت الى هذا الشيئ ثم
اتخاذ القرار السليم, و لاتطرح الموضوع كأنه قصة او مجرد حديث عادي او
تستخدم اساليب لمعرفة الحقيقة , الطريق المسيتيم هو من اقصر الطرق و
بيساعدك على اتخاذ قرار سليم ........


-....


يعني لكل مين تفاصح ومع كل احترامي , وحكى انه ممكن يكون الملل هوه
السبب او انه بحاجة لصديق او او .... لو كان الموقف سليم وصحيح وعلاقة
صداقة عادية جدا لكانت على الاقل خبرت زوجها بالموضوع وما تخبى او كان
بالسر . وخصوصا انه في حب وثقة بالموضوع !!!! الخيانة ليست مجرد علاقة
جنسية .. العلاقة الجنسية هي نتاج سلسلة خيانات متتالية تبدأ بالخيانة
الاولى الا وهي التفكير بوجود شخص ثاني وبتكون العلاقة الجنسية نتيجة
طبيعية لهذه السلسلة المتكاملة من الخيانات. جرب ان كنت قادر على الغفران
والمسامحة.

-الإمارات

كريم2011


الفراغ هو السبب

دورلها على عمل يمكن ان تنشغل شوية وعملية الشات عي فقط للتعارف و
تخفف من أثار الغربة لا تتهور تريث الموضع عادي ممكن أنت أن تقع فيه
*المرأة اللتي لاتشغلها تشغللك*

-سوريا
اي وشو بعدين

ياحيف بعدك عم تشاور الناس اي روح للك عمي روح ضبضب ولاتنشر غسيلك ادام الناس طلقهاخليها تعرف ان الله حق


الكرة بملعب الزوج

انا برايي تناقشها بالموضوع و تبينلها انك عرفان , الطلاق مو حل لكل
الخلافات لا ابدا و خاصة في اولاد .
لازم تعرف تناقشها و تاخد منها الاسباب يلي دفعتها تتصرف هيك باسلوبك الخاص
, و هون بتبين حكمة وشطارة الزوج بالسيطرة على الامور .

عادي جدا

من تجربتي الشخصية أنني كنت أتحدث مع شخص عن طريق
النت وللحقيقة أقول بأنها كانت صداقة أخوية لم تتجاوز فش القلب والهموم لا
أكثر واستمرت لسنوات بعلم زوجي ومتابعته أيضا ، ولم يحدث شيء والحمد لله
ولم تكن هنالك اي مشاعر خاصة نحو هذا الشخص بل مجرد صداقة اخوية فانا لا
أرى مشكلة بالموضوع ما لم تكن تتبادل معه الصور الشخصية أو الكام..الغربة
صعبة أخي الكريم وعليك تفهم هذه النقطة والله لا يفرق بينك وبين زوجتك
الكريمة

هي عاشر قصة أسمعها من هذا القبيل

والله يا خاي صعبة المشكلة
بس بدها روية وشوية أعصاب باردة ...
تذكروا أيها الرجال المتزوجون انكم تفرحون بكلام بنت على النت أو على
الهاتف ....فلا تستغربوا قد يحدث ذلك مع زوجاتكم (لا سمح الله ) ..
المهم الروية والصبر والدعاء ....خيانة المرأة أصعب ....على أية حال ...ومن
باب المصادفة أن أقول لكم أني أكلم أو كلمت العديد من الصبايا المتزوجات
والله بلا عبث ...منهن قريبات بلبنان والسعودية والامارات ومنهن غير
متزوجات ....بس والله كلها من شان فلانة تفش قهرها من الغربة ....لا احاديث
عن الحب

نصيحة من أخت

أنا إمرأة متزوجة من عشر سنوات وزوجي دائما يحكي مع بنات على النت
والهاتف بس أنا بحياتي مافكرت أخرب بيتي مشان تفاهات كونهالاتتجاوزالحدود
بس والله نصيحة من إخت لاتخرب بيتك لمجرد كلام فكر بأولادك برأي الحل لازم
يوضع حد لهذه المكالمات بالتفاهم صارحهاإعرف الأسباب والأهم أن تعرف قبل
مصارحتها مانوع الكلام الذي يدور بينهمابالضبط لتتأكد من صدقهاوإياك أن
تخبر أحد من أهلك أوأهلهاالمشكلة تكبر والمجتمع لايرحم ولاينسى

السرية العائلية

سيدي الكريم، النصيحة الأولى والأهم هي عدم إطلاع أي شخص كائنا من
كان على موضوع الخلاف بينك وبين زوجتك. ومحاولة إنهاء الخلاف أو سوء
التفاهم بينكما بدون وجود أي طرف ثالث، لأن هذا الطرف مهما كان قريبا لن
يكون حريصا على عائلتك أكثر منك ومن زوجتك.
عانيت من تجربة بسيطة في هذا الإطار، ونظرا لوقوعي في حيرة كبيرة استشرت
أحد الأصدقاء المشتركين مع زوجتي، ورغم تفاهة الموضوع وبساطة المشكلة، إلا
أنها انتهت بالطلاق بسبب النصائح غير المتوازنة من قبل الأصدقاء. أكرر
نصيحتي الصغيرة لك بأن تبقي الأمر بينكما فقط.


-سوريا مقضي ومصدي

والله يا صديقي بصفتي خبره بالشات وخاصه مغ الحريم بدي قلك
انو لا تغض النظر ولا تكون فري لانو ممكن ينخرب بيتك حاول تحل الوضوع احكي
مغا وقلا انا بعرف كلشي وما بدنا نت من هون وطالع لانو ازا استمرت العلاقه
ما بتعرف شو بصير
غريب ...

بيعجبوني ال بقولوا طلقها وخلصت القصة يعني شوربة..
اخي انا مغتربة وبعرف شو صعبة الغربة وباينتك متفهم لهيك لاتكبر الموضوع
بجوز مجرد شخص بتشكيلو همها نتيجة الفراغ بس اكيد لازم المصارحة منشان تشيل
الشك ال جواتك وتروى وتمهل واياك تخرب بيتك وتظلمها بجوز تكون بحاجتك
والله يوفقكن

صارت معي

والله يا أخي صارت معي وأنا بالخطبة .بس الشب كان رفيقها
بالجامعة ,وكان يبعتلها رسائل معسولة الكلام .وهي كانت مسايرته وما خبرتني
عنه أو حطتله حد.وانا عرفت بالصدفة . تركتها فورا.اذا سامحتهارح تموت من
الشك . هذا رأيي والله الموفق
-
----

واجه زوجتك بالحقيقه بدون لف ولا دوران وهددها بالطلاق ان
فعلتها مرة اخرى ونفذ تهديدك بدون اي تردد وطلقها ان اصرت على موقفها ولا
تسمع كلام يلي عم يحاولو يدافعوا عنهالانه لايوجد مبرر يعطيها الحق
بالخيانه

أستراليا

نصيحة

المشكلة فينا نحن الرجال منطلع من الصبح للمسا ع الشغل واحيانا
منشتغل المسا كمان وكأن الحياة كلها شغل ومننسا انو عندنا زوجة وأولاد لازم
ناقشهم ونحكي معهم عن مشاكلهم \\\\فالمرأة لما ما بتلاقي مين يسمعها بدور
على حدا يسمعها ويفهمها وزوجتك لقيت مين يفهمها ع النت \\\\\\أنا برأي إذا
كان الغلط تقصير منك حاول تصلح نفسك وعدين ناقشها وفهمها وفتحو صفحة جديدة
وكملو حياتكن لأنو مومعقول تخرب بيت صرلوعشرين سنة مشان شويةأهمال
((((واعزوروني إن اسأت)))


سوريا

حياتنا كلها غلط

يعني انت ليش لحتى تدخل النت ع بيتك من الأساس ///هي عادتنا من جيب الغلط على بيوتنا ون قول لاتغلطو /!


ابن حلب

الله يكون بعونك

بدون ادنى شك هي مشكلة كبيرة و لكن برايي لا تقدم على الطلاق خاصة
في وجود الاولاد ولكن يجب و اكرر على كلمة يجب ان تتاكد من حبها لك و اؤيد
تعليق sam حرفيا و تذكر اننا نحن الرجال نتكلم بالشات و التلفون مع غير
زوجاتنا و اكيد الموبيل و النت اشياء حديثة نسبيا في حياتنا و هذة احدى
السلبيات بصراحة متعجب من قوة اعصابك لعدم مصارحتك لها بذلك حتى الان اتصل
مع الطرف الاخر و دعه يعرف انه يساهم في تدمير حياة اسرة كاملة بعد مصارحتك
مع زوجتك و الله يكون معك لانو الخيانة صعبة جدا من طرف الزوجة

ريما201

الا MZ

بتعرف انو نيال اللي حظيت او اللي بدا تحظا بواحد متل حضرتك . مو
باينتك ابدا نكد هه . برايك هالشي بيستاهل انو يدمر اسرة منشانو و خصوصا
ازا عندو بنات مو بيقضيلن علا مستقبلن كمان و غير هيك هوي بيحبا لمرتو .
كل شي بالتفاهم بيصير . ارجوك تراعي ظروف زوجتك و تاخدا بحلمك ....

-سوريا

ناصح

[b]بالعقل

حضاريا ومنطقيا ان تصارحها بالأمر وترى ردة الفعل عندها ومن هنا
قرر ... اذا كانت جادة فالطلاق امر رباني وان كانت تملأ فراغها لأنها
بالغربة .. التوبة النصوحة هي الحل الأمثل.
اتمنى لكما التوفيق


تحايل عليها

قال الله العظيم في كتابه الحكيم ﴿بسم الله الرحمن الرحيم ﴾
﴿يا أيها الذين آمنوا اجتنبوا كثيراً من الظن أن بعض الظن إثم﴾
يا أما صارحا مباشرة بالموضوع او اذا كتير مستسئل الموضوع عميل اميل تاني
غير ايميلك وجرب تحاول تضيفا ومن هون بيبين اذا كان هي عم تخونك او مجرد
محاولة تنفيس عن نفسا بسبب الغربة والله
_______________________

بتعرف انو احسن شي ارسل لها اللينك لهذه الصفحة وهذا الموضوع على ايميليها

وخليها تقراه بلكي بتحس على دمها وبتوب عن هالشغلات

احسن ما تعمل مشاكل وتخرب هالعيلة

الله يعينك ويصبرك على هالشي

حل

لم اقرأ اي من التعليقات سوى تعليق سوسن.انا واثق ان مثل هذه
الفتاه او اي كانت تنفث السم في المجتمع فهذا الحل الذي طرحتيه يا سوسو حتى
في البلاد الغربيه لايتقبلونه لنعود الى المشكله يااخي تلك احد الضرائب
التي ندفعا بالغربه لكن الحلول ان شاء الله موجوده اولا اعطاء زوجتك وفت
اطول للمكوث معها على مايبدو انها تعاني من فراغ وهذا الفراغ مادعهاالى
التحدث الى الاخرين تشعر بنقص بالحنان والموده والحديث عليك ملء حياتها
.وقبل هذا تحدث معها بصراحه عن معرفتك بالامر اعتقد انها ستجد نفسها صغيره
امامك وستعود الى ر

-
الحل موجود وسهل

طلاق مابدها سؤال حتى تعرف أن الله حق وبعد الطلاق رح يهرب منها
صديقها الالكتروني وتخرج من المولد بلا حمص ولا فول. نسوان آخر زمن عم
يبررولها خيانتها لأنهن خاينات مثلها. حل آخر: ابعث لها شيء عصابة مسلحة
بيخلصوك منها ومن صديقها الالكتروني.

-
خائنات ولو عبدوك

اخي الكريم انامع الأخوة يلي قالوانوفي سبب لتصرف زوجتك اماتقصيرمنك
أوانشغال عنهاوعن بيتك وأكيدانت ادرى الناس بالسبب.أغلب المغتربين لديهم
اوقات فراغ طويلةيقضوهاعلى النت وعلى التشات والتعارف بنصحك تحاول تملي وقت
زوجتك بأي عمل اوشي وان تكون قريب منها وبامكانك ان تختبرهاان كان لديك شك
ولست متأكدتمامابأن تجعل احدممن تثق به ان يتصل بهاويبدي اعجابه بهااوان
تحادثها على النت بدون معرفةشخصيتك لتعرف ان كانت تحادث كل من تتعرف اليه
ام ان الرجل له وضع خاص(يجب أن تعرف الشيء الذي منحه لها الرجل وانت لم
تمنحه لها

-سوريا

ناصح2011-06-20 01:24:32

ناصح

كون صريح معها وقلها انو الموضوع مارح يأثر على علاقتك بها بس هي
تشرحلك التفاصيل بس قلها انو انت نتيجة كونك بالغربة ممكن الواحد يحكي مع
شخص اخر حتى يخفف عنو الغربة.بتصوري لم يتعد الموضوع سوى كونه مجرد دردشة
على النت. بالنتيجة الصراحة وتروك الكرة بملعبها,

-
ماأقسى الحياة

لاحول ولا قوة إلا بالله
إن قلب الانسان لايخلو من الرحمة
لكن إنطلاقا من نفسي لا استطيع احتمال الخيانة بأي شكل كان.
عليك بالهجران فإن لم زادت ولم تعد لرشدها فأبغض الحلال عند الله الطلاق .
ولعن الله الخيانة والخائنيينؤ
-
بنت مصياف

يااخي قول حمدلله هيك وبس عنا صديق في قطر عطى زوجتو كل شي ومش
رضيانه كمان مصاحبه واحد قطري والها سنتين بتكزب عليه ومش دريان انترنت
بعدين موبايل بعدين خيانه ورجعت لمصياف وكلم اهلها تهموه انو عم يتبلى
عليها مع انها بنت دكتور مشهور واتطلقوا وبعد فتره نزل الحبيب القطري بعمر
ابوها وبكل عين وقحه خطبها ورمت اولادها ولا سالت على الشرف لاهي ولا اهلها
لانو شممهم ريحت الريالات خليها عاربك انت مصيبتك اخف

الإمارات
سوسن1

عادي

ليش مكبر الموضوع تركها على حريتا لانو اذا عم تحكي مع غير او حابه
غيرك هيه لح تقلك طلقني وما لح تستنى حضرتك لتفاتحها بالموضوع خليك فري
بلاها الديكتاوريه شو لح ياكلولك ياهل عالانترنت ؟
-
لا تتهور

عم تقول انكن بلغربه وعلاقتكن كامله -صدقني
احياناالانسان بدو حدى يفشلو خلقو ويحكي معو شي دفين جواتو -يمكن يكون مجرد
صديق الكتروني وازا الوضع مو عاجبك - قلها بصراحه ولا تخرب بيتك لامر تافه
الله يوفقك

-
اقتراح طرح المشكلة بشكل غير مباشر

اقترح عليك سرد قصة وكأنك تأخذ رأيها : لي صديق يريد اخذ رأيي
ومشورتي في الموضوع التالي ( تسرد لها قصتك ) وتطلب منها ما هو رأيك لسبب
حدوث ذلك ؟ وكيفية المعالجة ؟ وعلى الغالب ستفهم هي بأن القصة تخصها أو
تفهم المشكلة وتعود الى جادة الصواب وقد توضح لك اذا لم يكن هناك وضوح في
الحديث

-
مشاكل الغربة

رغم ان ذوي الاختصاص اوجب بالجواب عني ولكن اقول لك سيدي الجليل
قد تكون ارهاصات الغربة هي التي جعلتها تتكلم مع رجل ثاني اعتقد المواجهة
معها بالمشكلة قد يوجد الحل الشافي لكلا الطرفين وطالما القضية قضية كلام
ونيت فالقضية لا تستحق الوصول الى الطلاق لعل الطرف الثاني يعطيها من خلال
الرسائل والمكالمات من الكلام المعسولة مالم تستطيع انت ان تتفوه به


الولايات المتحدة

Doctor Who

ان بعض الظن اثم

أخي الكريم انت تقول ان الرجل من بلد آخر! يعني و باعتقادي, نية
الخيانة الزوجية منفية عند زوجتك الساذجة. اسألها بشكل مباشر و بدون لف و
دوران وواجهها بالمعلومات المتوفرة لديك. عندها ستقر لك بالحقيقة. لربما
ستدين لها باعتذار بسبب الافكار الشيطانية التي تجول بخاطرك عنها او لا
سمح الله ستضطر للطلاق. المهم, انك ستتجاوز اصعب مرحلة و هي لتي تمر بها
الآن, مرحلة الشك و عدم اليقين. ادعو لك الله باختيار الخير لك ايا كان


-
قطة الشام


خيانة الزوجة

أنا برأي الشخصي ان تقول لها وتعرف اسبابها ولماذا فعلت هكذا
وبعدها اذا اقنعتك سامحها واعطها فرصة اخرى وابدأ حياتك من الصفر لانه كل
انسان يخطأ فكن من الناس التي تسامح واذا لم تقنعك بالعذر فاتركها الى
الابد


-سوريا


دكتور برشلوني20


الصراحة والمسامحة والمودة والرحمة خليهم بقلبك

اول شي انت متأكد انه هو رجل اللي عبتحكي معه وشو طبيعة العلاقة
اللي بينهم..اكيد شعور صعب ومؤلم بس الافضل انك تصارحها بهالشي بكل هدوء
واحترام وطبعا تكون متأكد من كلشي وعندك ادلة مشان ماتظلمها وتهتك
بعرضهاوذكرها انه عندكم اولاد وعيلة وحاول تفهمها هالشي وانه هي مو صغيرة
يعني بتوقع عمرها فوق الاربعين وخليها تحس انك مسامحها وهي لو بقلبها ذرة
مودة ورحمة وبنت اصل راح تقدرلك هالشي وماراح تنساه وماراح تعيدها لانك
قابلت السيئة بالحسنة لانه جل من لايخطئ.
وفرصة راجعو انفسكم وافهم شواللي دفعها لتعمل هيك.


طلقها20


طلقها

طلقهاااااااااااااااااااااااااااااااااااااا

-ا
لولو الفهمانة


[b]التروي والهدوء

ليك حبيبي لازم تتروى وتكون هادىء الكل ممكن يغلط وانت باين
عاقل واوبن مايند
خبر زوجتك بطريقة غير مباشرة عن طريق وحدة من رفقاتها قريبة منها تنصحها
وتوعيها او حاول تخبر تخبر اخو زوجتك بشكل لائق مشان ماتخرب بيتك ومشان
الببيز

ما بدها تفكير

الشغلة ما بدها تفكير , الخيانة لا يسامح عليها , مشان هيك بترجع
على بلدك انت وياها و بتحطها عند اهلها , وبترجع بتسافر بدون ما تخبرها و
بعدين بتحكي معها على التلفون و بتخبرها تضل عند بيت اهلها وبتتركها هيك لا
معلقة و لا مطلقة لحتى تعوف الدنيا و تطلب الطلاق و بتاخود انت كل حقوقها و
بتحرمها مو الولاد , لانو هي مالها ام بتستحق تربي هدول الولاد. والله
يكون معك

-3



وين الغلط؟؟؟

شوف وين الغلط ووين عم تنقص مع مرتك
اذا حابب تحط على عينهاوواجهتها رح تخسرو بعض
ومستحيل تقدر تمنع النت والجوال
غالبا بالغربه الرجال بينشغل عن مرتو كتير بالشغل ولم الفلوس
وهون المراءه بتشعر بنقص كبير لانه ماعندا اهلها ولا حدا غير زوجها الي مشغول عنها
وبدها أي حدا تحكي معه
عطيها شوي من وقتك وشوف كيف بترجع لبيتها وزوجها وولادها
الاهمال بدمر احلى علاقه وأقوى علاقه
الورده الي ما منرويها بالماء بتموت وكذلك الحياه الزوجيه يلزمها عطف ومحبه واهتمام

السعودية


الموقف صعب و الصراحة اساس النجاح

طالما في شب بحياة زوجتك, فلا بد من الجلوس و التحدث مع بعض بروية و هدوئ هل هوضعف جنسي أو تقصير في المصروف من قبلك
أو هو حبيب قديم لها... أو قد يكون فرق العمر كبير.
الحديث عبر النت كل شي مسموح, المرة ألأولى مرحبا و التانية كيفك و الثالثة غمزة و الرابعة أسرار عائلية..
بس اتعرف هل الشخص قبل المواجهة.
انا بظن انوا زوجتك حكما دخلت على الموقع و قرات المشكلة.
ما اكتر أولاد الحرام


-سوريا

سعاد


[b]التمهل

يا اخي اول الشي لازم تتاكد من طبيعة هالعلاقة يمكن يكون نوع من
الرغبة بالتواصل مع الناس خاصة وانكن بالغربة او بيجوز مجرد فضول وحب
استطلاع اما اذا كان الوضوع اكتر من هيك فساعتا الموضوع عائد الك تماما ما
حدا بيقدر يقلك شو تعمل بس لا تتهور و تعمل شي ما منيح تندم عليه بعدين


سوريا

فايئة و ماني رايئة


[b].......

ليش عتبرت انها خيانة هلق هي علاقة غلط ما منختلف بس بيجوز
علاقة صداقة و حكي بس بسبب الملل اذا كان بس هيك سامحها و جرب تحكي معها
اكتر و نكون صديق الهاو اذا ض