حكاية

من طرف **مراسل** الجمعة فبراير 04, 2011 6:13 pm

فى العدد السابق طلب منى أحد الأزواج أن ابحث له عن أى حد يخطف مراته و كمان كل الزوجات المفتريات و لقد أخبرته بأننى عملت خطه جهنمية لخطف الزوجات المفتريات و طلبت منه عمل اجتماع مع كل الرجاله اللى عايزين زوجاتهم تتخطف و فعلا تم عقد الاجتماع معاهم و كانوا 50زوج وكل واحد كتب تعهد بالموافقة على ألقاء زوجته فى الرمال المتحركة بعد أن يقرصها التعبان و قلت أسألهم عن سر رغبتهم فى التخلص من زوجاتهم..واحد قال: ..الولية أتجننت عندها 55 سنه و عايزة تاخدنى نرقص فى الديسكو وأنا صحتى تعبانه و كبرت و دى مابتتهدش..ربنا يهدها, واحد تانى قال:مراتى بتفطر ب30بيضه و بتتغدى بخروف و بتتعشى بخرف و انا خايف تاكلنى و انا نايم..ربنا ياخدها,واحد ثالت قال:دى منضفانى أول بأول.كل يوم طلبات ما بتنتهيش ومش ملاحق عليها..ربنا ينتقم منها..الرابع قال:انا مراتى كل ما تشوف واحده من السكان جابت حاجه جديدة..لازم تقلدها و تجيب زيها..الشهر اللى فات مغيرين أوضه النوم أربع مرات..حسبى الله ونعم الوكيل فيها..الخامس قال:الهانم كل اسبوع اشترى لها طقم الماظ و بعد كام يوم تقول أتسرق و بعد كده ألاقى أمها لابسه طقم منهم...السادس قال:انا مراتى كل شهر تعمل عملية تجميل..مرة تحط وش مادونا و مره هيفاء لما كانت راضيه عليه و لما غضبت عليه حطت لى وش دراكيولا مصاص الدماء .
المهم ..قلت لهم هنعمل إعلان فى جورنال كبير عن رحله سفارى لصفوه المجتمع فقط فى الصحراء الغربيه لمحمية طبيعية للأفاعي والثعابين والحيات لمدة أسبوع و قيمة الاشتراك 10.000جنيه و طبعا ضخامة المبلغ مع كلمة صفوة المجتمع كانت كفيله بأن تتكالب النساء على تلك الرحله..و تم تجهيز أوتوبيسين و تظبيط الأمور..و هنا جاءتنى مكالمة من فرنسا و أستأذنت منهم خمسة دقائق..
و انطلقت الرحلة التى تضم 100 زوج و زوجه..ووصلنا الى المكان المتفق عليه و الذى يقع بجوار موقع الرمال المتحركه و الأفاعي..و قضينا اليوم داخل الخيمة ثم بدأت السهرة و جاءت ساعة الصفر و قلنا دى قعدة سمر و مسابقات و أدخلناهم فى قفص كبير و قفلنا عليهم الأبواب بمنتهى القوه ثم أطلقنا عليهم مائة ثعبان من أخطر الأنواع و خرجنا خارج الخيمة و ذهبنا بعيدا عشان ما نسمعشى صراخهم و صوتهم..و رجعنا بعد ساعه..لقيناهم نايمين و متكومين على الأرض فوق بعض..و فرحوا جميعا و قاموا بجر القفص الكبير الى مكان الرمال المتحركه و رمو القفص فى الرمل و أستنينا لغاية ما أختفى القفص و هنا أطلق الأزواج صيحات الانتصار و الزغاريت و اللى ينط لفوق و اللى يصرخ من الفرح و اللى بيحضن التانى..و اتفق الجميع على العودة و عمل حفل زفاف جماعى لهم فى أعلى برج فى القاهرة من بنات صغيرة وظاويظ...و فى مساء اليوم التالى بدأ العرسان الخمسين يرقصون مع ال50عروسه
و كل منهم يمسك كاس ويسكى و يطلق صيحات الفرح و الانتصار على نغمات الديسكو...و فجأة تسكت الموسيقى..و ينظر العرسان للفرقة الموسيقية ليعرفوا سر توقفهم عن العزف و فجأة ينظرون حولهم فيجدوا زوجاتهم تقف أمامهم أحياء..فيصرخن صرخة الرعب و يسقط بعضهم ميتا بالسكتة القلبية وبعضهم يصاب بلوثة عقلية و الباقى يلقى بنفسه من أعلى البرج..و هنا تصرخ النساء المنتصراتههههااااا
والبقاء لله فى الرجاله..و تعيشوا أنتن..لكن ربنا موجود حكاية 149823

.

من طرف **مراسل** الجمعة فبراير 04, 2011 8:08 pm

ما قبل تلك الحكاية

هيا نخطف الزوجات المفتريات

بقلم:علاء الغندور

فى:23/7/2006

***********************--**

تم نشر هذه المقالة فى جريدة الرأى (مصر)فى 18/9/2006

كنت فى زيارة لأحد أصدقائى العائدين من الخارج فى أجازة..و عند نزولى وجدت ان

الاسانسير عطلان و قلت الحمد لله انه عطل فى النزول و الا كنت طلعت عشرة ادوار

فى هذا البرج..وبدأت النزول على السلم..و فجأة سمعت صوت ست ماسكه جوزها

بتديله درس فى الأخلاق و صوتها جايب لآخر الشارع و سمعت زوجها يستعطفها

مؤكدا على انه مش هيعملها تانى..وقال:خلاص هأبقى هأنزل أفتح لك باب العربيه!!

و نزلت الدور السابع وسمعت صوت واحده ست بتردح لجوزها قائلة: انت نسيت انا

مين؟ دنا لواحظ بنت المعلم كرشه أكبر جزار فى المدبح..هؤه يا نؤه..و سمعت زوجها يسترحمها قائلا:أبوس أيديكى..بلاش أبوكى و انا هاجيبلك العربيه اللى انتى عايزاها..

و تكررت نفس القصه فى بقية الأدوار مع اختلاف الأساليب و الشخصيات حتى وصلت

للدور الثانى و سمعت صوت راجل بيزعق و بيشخط و ينطر و مبهدل مراته اللى ما بتردش عليه..و أخذنى الفضول و الأحساس بالسعاده بوجود راجل أخيرا بيشكم مراته

فوقفت و لست أدرى ما الذى دفعنى لكى أتوجه الى باب الشقه و اضرب الجرس و فتح

لى رجلا فى الأربعين من عمرة..فقلت له:انا جاى أحييك على أنك بتزعق لمراتك و بتشكمها..فقال : أيوة أنا راجل و هأشكمها لما تيجى..فأندهشت و سألته: هيه مراتك

مش جوه ؟ فقال :هيه عند أمها..فسألته: أمال انت كنت بتزعق لمين؟ فقال:أنا كنت

بأعمل بروفه عشان لما تيجى هأشكمها..فضحكت..ضحكة عالية..فقال لى الرجل:

ما تعرفليش عصابه تخطفها..فضحكت أكثر..و لكن الرجل بكى و قال: كل رجالة العمارة

دى متبهدلين من نسوانهم آخر بهدله...فقلت له:ده رغبه كل الرجاله؟ فقال: عشان نبقى

رجاله عايزيين عصابه تخطفهم كلهم و يرموهم فى آخر مكان فى الصحراء ويكون فيه

تعابين تقرصهم ونخلص منهم..فوعدته بالتفكير فى الموضوع..

عزيزى القارىء..الرجل و الزوج..ايه رأيك؟ تحب تشترك فى خطف الستات المفتريات

و ألقائهن فى أقصى مكان فى الصحراء حتى يشعر الرجل برجولته

بهدلة المرأة لزوجها تسقط عنها صفة مخلوق بشري إنساني لطيف ,
وتصرف الرجال بخطف النساء السيئات يسقط عنهم صفة الإنسان والرجولة والأخلاق , هناك
علاقة كبيرة بين مخافة الله وإلتزام المرء بالأخلاق الدينية التي ترفع المرء الذي
يريد أن يهبط مانعة إياه من سفح كرامته في تصرفات تبعده عن السعادة , سواء أكان
ذكراً أم أنثى . ليتنا نعيش في مجتمع فيه شخصيات قدوة ننظر إليها ونمشي على نهجها
, ولكن عندما قرر هؤلاء الرجال قتل الزوجات , لم استغرب الإحتفال وبيد كل منهم كأس
ويسكي , وصار ظهور الزوجات مرة أخرى أمر عادي , فمثل هؤلاء الرجال يستحقون مثل تلك
النساء .

كم كان الماضي أفضل ,
وأجمل و وأحلى عندما كان لنا كباراً نستشيرهم , ويدلونا على الطريق الصحيح , الذي
أساسه راس الحكمة مخافة الله .

حكاية

حكاية

رد: حكاية

رد: حكاية