انا عندي مشكله واتمنى منكم تساعدوني

انا عندي مشكله واتمنى منكم تساعدوني
انا متزوجه صارلي تسع شهور بدايه زواجي كنت من اسعد الناس كان زوجي طاير فيني معاملته لي كأني اول انسانه يشوفها بحياته

بعد مرور شهر من الزواج انا حملت ما كان فرحان بحملي ما قالي بس باين بعيونه ومع الشهر الثاني من زواجنا بدا يتغير تعامله معاي كنت اسمع منه كلمه احبك مليووون مره وكان يقولي كلام ماقد سمعته من قبل حبيته بكل ما فيني طبعا نسيت اقول شغله تزوج قبلي ثلاث مرات والله ما وفقه بكل زواجاته انا المرأه الرابعه بحياته..


كنا من اسعد الازواج الوضع بالمره تغير صار العكس صرت اتمنى اسمع منه كلمه حلوه صار جافي وقاسي كنت اسئله وش الي غيره كان يقولي مشاكل الشغل والحياه بس كان يقولي انه لو يعيش عمره من جديد انا الوحيده الي راح يختارها عشان يقضي حياته معاها من زوجاته الي قبلي وبعدها صرت اتمنى اسمع لو ربع كلمه ناقشته كذا مره وكان يقول انه النقاش بينا منعدم وما يتقبل مني اي كلمه انا مع الحمل تغيرت نفسيتي وصرت احس بكآبه وحزن وصرت عصبيه مررررررررره بس مو هذا السبب الي خلاه يتغير علي كنت ابكي عشان اسمع منه كلمه حلوه صار حتى يجرحني بالكلام ويتأفف من وجودي لدرجه اني اذا جلست قريب منه يقوم ويطلع من المكان زادت التوترات بينا وزاد حجم الخلاف وكل واحد يعاند الثاني من كم شهر سافر الخارج مع اصحابه بحجه تغيير الجو ويوم رجع قالي سافرت عشان ارتاح من وجهك بديت احس بوجود احد بحياته صار ليليا لازم يطلع من البيت مع انه ما كان يطلع ابد صارله شهرين على الحاله هذي الين هذاك اليوم الي اكتشفت انه له علاقه كان يحاكيها ويوم قلت اني سمعته زعل وقلب الموضوع علي وانكر ..

انا الحين بنهايه حملي رحت عند اهلي ارتاح اسبوعين اتفاجأ انه مايبيني ارجع البيت الا بعد ما اولد وباقي على ولادتي شهر ونص صار يقولي مستحيل نتفق خليها تهدا الانفس ونصفا وبعدها خير لعب بعقلي الشيطان وارسلت له وحده من طرفي عشان اقطع الشك باليقين وتعرف عليها واعجب بها قلت له اني انا الي ارسلت البنت هذي وقلبت البيت على راسه بلحظتها مافيكم تتخيلون شعوري كنت زي المجنونه قعدت اضرب فيه واصارخ عليه واتكلم كلام ندمت على كل شي سويته انا احبه وهو ابو الي فبطني وانا ماودي اخسر بيتي ولا زوجي والى الحين صارلنا اسبوعين من صارت السالفه وما كلمني مع العلم اني خلاص بنهايه الحمل قولولي شلون احل الموضوع وربي تعبت من التفكير....

لا تناقشيه وتعايريه باشياء عقيمة
اختاري اللحظة المناسبة لكي تفتحي معه بعض المواضيع الحساسة
ابعديه عن رفقة السوء بالرجوع الى الله وذكريه بذلك كلما حانت لكي الفرصة
استغفري دائما لان الاستغفار له ثمرات كثيرة من ضمنها اجابة الدعاء
الرجل يا اختي يحب المراة الضعيفة الخاضعة لاوامره فكوني كذلك
واسال الله ان يرزقك بالذرية الصالحة ويوفقك ويسعدك بحياتك
ارجعي الى بيتك وبادري انتي بالمصالحة واعتذري لما بدر منكي
من شتم وضرب بهدية حلوة تعبر عن مشاعرك تجاهه
وتذكري انه زوجك وحبيبك وابو يلي في بطنك .

الله يهَدي بالك يا اختي و يريح قلبك .