مواقف زوجية يومية

من طرف **أم حمد** الأحد سبتمبر 27, 2009 12:57 am

الموقف الأول..أنا محتاجه أجازة
[ندعوك للتسجيل في المنتدى أو التعريف بنفسك لمعاينة هذه الصورة]
وأنا أجلس أمام الكمبيوتر أعمل فى صمت ظهرت أمامى فجأة نافذة محادثه
كانت صديقتى المقربة إلى قلبى
وإذا بها تقول لى أنا عاااااااوزه أجااااازه
تعجبت فهى مثلى لا تخرج للعمل فقلت لها من إيييه[ندعوك للتسجيل في المنتدى أو التعريف بنفسك لمعاينة هذا الرابط]
فقالت من حياتى الزوجيه
وأنفجرت تقول
أنا خلاااص تعبت مش حاسه إن فيه حد حاسس بيه[ندعوك للتسجيل في المنتدى أو التعريف بنفسك لمعاينة هذا الرابط]
حاسه إنى بلف فى دايره لوحدى والكل بره الدايره دى بيتفرج عليا
تخيلى
طوووووول الليل سهرانه ببنتى مش عارفه أنام ساعتين على بعض
مابين رضاعه وغيار ووأوأه[ندعوك للتسجيل في المنتدى أو التعريف بنفسك لمعاينة هذا الرابط]
لدرجة إنى بعد الفجر بشويه روحت فى غيبوبه وأنا قاعده
بقيت بنام زى الحصنه يا إما وأنا واقفه أو وأنا قاعده
آه والله بفصل فجأة [ندعوك للتسجيل في المنتدى أو التعريف بنفسك لمعاينة هذه الصورة]
والبنت على إيدى بترضع
وزى الحلم سامعه صوت المنبه من بعييييييد
وألاقى إيد بتزقنى طبعا إيد جوزى [ندعوك للتسجيل في المنتدى أو التعريف بنفسك لمعاينة هذه الصورة]
وهو بيقووووول
المنبه ضرب مش هاتقومى تصحى الولاد للمدرسه[ندعوك للتسجيل في المنتدى أو التعريف بنفسك لمعاينة هذا الرابط]
حسييييت إنى هايجيلى سكته قلبيه من كتر الغيظ
شيلت البنت براحه وحطيتها فى سريرها
وجريت أصحى الولاد للمدرسه وجهزت الفطار والسندوتشات
وخرج يوصلهم زوجى العزيز[ندعوك للتسجيل في المنتدى أو التعريف بنفسك لمعاينة هذا الرابط]
حسيت إنى مش شايفه قدامى وفجأة سمعت صوت بنوتى جريت أنيمها
نمت وأنا قاعده على السرير
قوووووم أصحى على إيد بتزقنى [ندعوك للتسجيل في المنتدى أو التعريف بنفسك لمعاينة هذه الصورة]
يعنى أنزل شغلى من غير فطار طبعا ماهو أنا خارج حساباتك
بصيت بعين مقفوله وقلت حالا يا حبيبى[ندعوك للتسجيل في المنتدى أو التعريف بنفسك لمعاينة هذا الرابط]
جهزتله الفطار وإستنيت لحد ماخرج الشغل
قلت ألحق أجرى أنام شويه
لاقيت بنوتى صاحيه وضحكه بريئه على وشها
طبعا نسيت النوم[ندعوك للتسجيل في المنتدى أو التعريف بنفسك لمعاينة هذا الرابط]
وكملت يومى عادى
لكن كل ما أفتكر منظره وهو بيقومنى وهو شايفنى طول الليل قاعده بالبنت أحس إنى بلف فى ساقيه
حاسه إنى مقهوره
مفيش حد حاسس بيا
[ندعوك للتسجيل في المنتدى أو التعريف بنفسك لمعاينة هذا الرابط]
خلص كلام صاحبتى
ولاقيت نفسى ببص لكلامها وبقول ياترى إللى كاتبه الكلام دا أنا والا هى
[ندعوك للتسجيل في المنتدى أو التعريف بنفسك لمعاينة هذا الرابط]

بتمنى تعجبكم مواضيعي

من طرف **أم حمد** الأحد سبتمبر 27, 2009 1:00 am

هانشوف موقف تانى
[ندعوك للتسجيل في المنتدى أو التعريف بنفسك لمعاينة هذه الصورة]

جلست بجوار زوجى الحبيب فى سيارتنا
كنا قد أنهينا زيارة عائليه وفى طريقنا للعوده إلى منزلنا
كان أطفالى حبايبى يستغرقون فى نوم عميق فى الخلف[ندعوك للتسجيل في المنتدى أو التعريف بنفسك لمعاينة هذه الصورة]
وعندما حاولت إدارة حديث معه أثناء الطريق
نبهنى بهدوء أنه مرهق ويريد أن يركز فى القياده
فغرقت فى صمت عمييييييق [ندعوك للتسجيل في المنتدى أو التعريف بنفسك لمعاينة هذه الصورة]

وأثناء توقفنا فى إحدى الإشارات
أقبل علينا أحد باعة الزهور[ندعوك للتسجيل في المنتدى أو التعريف بنفسك لمعاينة هذه الصورة]
وعندما رأيته إرتسمت على وجهى
إبتسامة وتذكرت أيام زماااااااااااان عندما كان زوجى يقدم لى فى كل زياره
أثناء الخطوبة باقة ورد رائعة [ندعوك للتسجيل في المنتدى أو التعريف بنفسك لمعاينة هذه الصورة]
يااااااااااااااااااااااااااااااااااه من زمااااااااااان ماجبليش ورد
ومد البائع يده بورده حمراء جميله قائلا ورده يا أستاذ
فقال زوجى فى إقتضاب
شكرا
[ندعوك للتسجيل في المنتدى أو التعريف بنفسك لمعاينة هذه الصورة]
فعاد البائع يمد يده قائلا ربنا يخليلك الهانم
فقال زوجى فى ضيق
شكرا
[ندعوك للتسجيل في المنتدى أو التعريف بنفسك لمعاينة هذه الصورة]
عاود الرجل العرض مرة أخرى
فإذا بزوجى الحبيب يرد عليه غاضبا
قلت لك شكرا إنت فاكرها خطيبتى دى مراتى
[ندعوك للتسجيل في المنتدى أو التعريف بنفسك لمعاينة هذه الصورة]

كنت أراقب الموقف فى صمت وأنا أنتظر أن يأخذ زوجى الورده ويقدمها لى بكل الحب[ندعوك للتسجيل في المنتدى أو التعريف بنفسك لمعاينة هذه الصورة]
ورده مجرد ورده
وإذا بى بعد رده أشعر بإنقباض فى صدرى
وكأن يدا إمتدت تعتصر قلبى بقوة[ندعوك للتسجيل في المنتدى أو التعريف بنفسك لمعاينة هذه الصورة]
دى مراااااتى

ظلت الكلمه ترن فى أذنى
وكلما سمعتها تدمع عيناى [ندعوك للتسجيل في المنتدى أو التعريف بنفسك لمعاينة هذه الصورة]
ياله من رد
يالها من معانى جميله تحتويها تلك الكلمات
ولم أشعر سوى بدموعى تنهمر على خدى
وأنظر لزوجى وأقول له من كل قلبى
شكرا
[ندعوك للتسجيل في المنتدى أو التعريف بنفسك لمعاينة هذه الصورة]
ونظر لى زوجى فى إستغراب
وعاد ينظر للطريق
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:02 am

السلام عليكم ورحمة الله
[ندعوك للتسجيل في المنتدى أو التعريف بنفسك لمعاينة هذه الصورة]
رن جرس التليفون ووجدت إحدى قريباتى تحدثى بصوت حزين
وفاجأتنى قائلة
جوزى بيقول عليا بااااااااااااااارده [ندعوك للتسجيل في المنتدى أو التعريف بنفسك لمعاينة هذه الصورة]
إستغربت وقولتلها معلش مش فاهمه يعنى إيه [ندعوك للتسجيل في المنتدى أو التعريف بنفسك لمعاينة هذه الصورة]
سكتت وقالت لى فى إنكسار
تصدقى إن جوزى ماقربش منى من أكثر من شهر [ندعوك للتسجيل في المنتدى أو التعريف بنفسك لمعاينة هذه الصورة]
لييييييييييه يا بنتى هو كل واحد فيكم نايم فى أوضه والا إيه[ندعوك للتسجيل في المنتدى أو التعريف بنفسك لمعاينة هذه الصورة]
قالتلى بالعكس إحنا الإتنين فى أوضه واحده وفى سرير واحد لكن مفيش حتى ولا لمسه ولا حضن
شعرت بالإحراج فأنا لا أجيد الحديث فى تلك الأمور[ندعوك للتسجيل في المنتدى أو التعريف بنفسك لمعاينة هذه الصورة]
ولكنها لجأت لى
وعندما طالت فترة صمتى قالت لى
أنا محتاجه أفضفض معاكى حاسه إنى هاتجنن[ندعوك للتسجيل في المنتدى أو التعريف بنفسك لمعاينة هذه الصورة]
إنتى عارفه إننا تزوجنا عن قصة حب الكل يشهد بها
تحدينا كل الظروف وتخطينا كل العقبات حتى جمعنا الله فى بيت واحد
حتى تلك اللحظة مشاعرى نحو زوجى مثل أول مره رأيته فيها[ندعوك للتسجيل في المنتدى أو التعريف بنفسك لمعاينة هذه الصورة]
نفس دقات القلب والحب الجارف والسعادة التى تملأ عيونى لمجرد رؤياه
ولكن
لا أعرف ماذا حدث[ندعوك للتسجيل في المنتدى أو التعريف بنفسك لمعاينة هذه الصورة]
كان فى السابق عندما أغيب عنه يوما واحدا يشعرنى بأننى غبت عنه شهورا طويله
يقابلنى بكل الشوق والحب والرغبة
تصورت أننا سنظل هكذا حتى آخر العمر
ولكن
منذ أسابيع طويله يتكرر معى نفس السيناريو[ندعوك للتسجيل في المنتدى أو التعريف بنفسك لمعاينة هذه الصورة]
يخرج فى الصباح الباكر لعمله ولا يعود إلا بعد العاشرة مساء
بعد العشاء يستلقى أمام التليفزيون يشاهده فى صمت غريب[ندعوك للتسجيل في المنتدى أو التعريف بنفسك لمعاينة هذه الصورة]
حتى يغرق فى النوم وهو جالس[ندعوك للتسجيل في المنتدى أو التعريف بنفسك لمعاينة هذه الصورة]
أوقظه بهدوء ليدخل سريره
فيدخل السرير ويغرق فى نوم عميييييق[ندعوك للتسجيل في المنتدى أو التعريف بنفسك لمعاينة هذه الصورة]
أقترب منه أشتاق للمسة يديه أحتاج لأن يضمنى فى صدره
فلا يشعر بى[ندعوك للتسجيل في المنتدى أو التعريف بنفسك لمعاينة هذه الصورة]
وبعد قليل يستيقظ إبنى الصغير فأقضى باقى الليل بين رضاعة وهدهده
حتى الفجر[ندعوك للتسجيل في المنتدى أو التعريف بنفسك لمعاينة هذه الصورة]
وعندما مرت الأيام والأسابيع وزاد شوقى له وسيطرت الحيرة على عقلى
واجهته وسألته فيه إيه[ندعوك للتسجيل في المنتدى أو التعريف بنفسك لمعاينة هذه الصورة]
ففاجأنى بقوله
يعنى إيييه المجهود إللى بتبذليه عشان تحسسينى برغبتك فيا [ندعوك للتسجيل في المنتدى أو التعريف بنفسك لمعاينة هذه الصورة]
مابتشوفيش الستات فى الأفلام بيعملوا إيه
ثم إتهمنى بالبرود واللامبالة وإن الموضوع مش فارق معايا[ندعوك للتسجيل في المنتدى أو التعريف بنفسك لمعاينة هذه الصورة]
وقال
كفايه عليكى البيت والأولاد[ندعوك للتسجيل في المنتدى أو التعريف بنفسك لمعاينة هذه الصورة]
صدمتنى كلماته
وجلست أحادث نفسى وشعرت بأننى سوف أجن[ندعوك للتسجيل في المنتدى أو التعريف بنفسك لمعاينة هذه الصورة]
قلت أكلمك قبل ما أصرخ والناس تتلم عليا
أعمل إيييييه
والله مش عارفه أعمل إيييييه[ندعوك للتسجيل في المنتدى أو التعريف بنفسك لمعاينة هذه الصورة]

ماعرفتش أرد عليها لأنى بطبيعة الحال وجدت نفسى أشعر باقتراب خطر داهم نحوى
[ندعوك للتسجيل في المنتدى أو التعريف بنفسك لمعاينة هذه الصورة]
فزوجى بقاله يومين بيناااااااام قداااام التليفزيون
[ندعوك للتسجيل في المنتدى أو التعريف بنفسك لمعاينة هذه الصورة]
يالهووووووووى
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:04 am

الحصه الاولي
في حالة طلب الزوج لاي طلب تشعرين انك لن تستطيعين تنفيذه[ندعوك للتسجيل في المنتدى أو التعريف بنفسك لمعاينة هذه الصورة]

طبعا الراجل إللى بقى زوجك لما حضرتك وقعتي علي استلامه اخدتيه من بيت العز (ده رأيه) [ندعوك للتسجيل في المنتدى أو التعريف بنفسك لمعاينة هذه الصورة]
واقصي مجهود كان بيعمله انه يفرد ضهره كده ويطلب اللي هو عاوزه(حتي لو الكلام ده وهمي برضه حيحاول يفهمك كده ابقي فوتيها) [ندعوك للتسجيل في المنتدى أو التعريف بنفسك لمعاينة هذه الصورة]
يعني بالعربي كل انثي اتعامل معاها في بيت اهله كانت مسخره لخدمة حضرته [ندعوك للتسجيل في المنتدى أو التعريف بنفسك لمعاينة هذه الصورة]
ويا سلام لو كان ربنا اعطاه 3 او 4 اخوات بنات يبقي كده كملت [ندعوك للتسجيل في المنتدى أو التعريف بنفسك لمعاينة هذه الصورة]
طبعا بناء عليه حتلاقيه مايعرفش حاجه عن ثقافة اخدم نفسك وحيطلب حاجات كتير جدا في وقت واحد ومعظمها حاجات عمره ماطلبها [ندعوك للتسجيل في المنتدى أو التعريف بنفسك لمعاينة هذه الصورة]
طيب حتعملي ايه بقي ؟؟؟؟[ندعوك للتسجيل في المنتدى أو التعريف بنفسك لمعاينة هذه الصورة]
اول خطوه لازم تستقبلي كل الطلبات بابتسامه
ولازم يحس ان طلباته اوامر وياسلام لو كان في ايدك حاجه وسبتيها
عشان تنفذي طلبه [ندعوك للتسجيل في المنتدى أو التعريف بنفسك لمعاينة هذه الصورة]
مثال عملى
حضرتك بتطبخي وطلب تخيطي زرار قميص
هو:ياهانم القميص زراره مقطوع(وهو عنده 10قمصان بس حبكت) [ندعوك للتسجيل في المنتدى أو التعريف بنفسك لمعاينة هذه الصورة]
حضرتك:حاضر حالا ياحبيبي(وتوطي النار وتطلعي بابتسامتك الساحره) [ندعوك للتسجيل في المنتدى أو التعريف بنفسك لمعاينة هذه الصورة]
وبعد ثانيتين بالظبط من مسكك للابره والفتله [ندعوك للتسجيل في المنتدى أو التعريف بنفسك لمعاينة هذه الصورة]
من فضلك ياحبيبي روح بص علي الاكل احسن يتحرق ده انا عامله لك........
تفتكري مش حيروح؟ [ندعوك للتسجيل في المنتدى أو التعريف بنفسك لمعاينة هذه الصورة]
حتلاقيه يا اما راح خايف على الأكل إللى بيحبه
أو إستخسار لثمن الأكل إللى ممكن يتحرق
يا اما ياخد منك القميص ويقولك عنك إنتى يا روحى وكمل الخياطه لنفسه
يبقي ملخص اول درس
1_استقبلي الطلب بود وابتسامه
2_اشرعي بالفعل في تنفيذ الطلب
3_دبسيه بالمهمه اللي كنتي بتنفذيها

[ندعوك للتسجيل في المنتدى أو التعريف بنفسك لمعاينة هذه الصورة]

أتمنى يكون الدرس الأول وااااااااضح
مستنيه تعليقاتكم طبعا
والتطبييييق العملى أهم حاجه
كل واحده تدبس جوزها تيجى تدينا خبر [ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:05 am

السلام عليكم ورحمة الله
الدرس التانى
ماذا تفعلين حتى تحتفظى بصداقة زوجك..خدى باااالك [ندعوك للتسجيل في المنتدى أو التعريف بنفسك لمعاينة هذه الصورة]

خلاص سايبه بيت أهلك ورايحه على عش الزوجيه وتبدأ النصايح من أجل السعاده الأبديه [ندعوك للتسجيل في المنتدى أو التعريف بنفسك لمعاينة هذه الصورة]
وتلاقى نصيحه عماله تلف وتدور حواليكى
خدى بالك يا حبيبتى إنتى كل حاجه لجوزك
خليكى مراته وأمه وأخته وصاحبته و.. و..
وسيادتك بتسيبي كل العلاقات دي وتمسكي قوي في خليكي امه [ندعوك للتسجيل في المنتدى أو التعريف بنفسك لمعاينة هذه الصورة]
أولا لو زوجك أمه موجوده وربنا يبارك صحتها يبقى ماتحاوليش هى طبعا ست الحبايب ومش ممكن تاخدى مكانها
[ندعوك للتسجيل في المنتدى أو التعريف بنفسك لمعاينة هذه الصورة]
ثانيا حتي لومقطوع من شجره مين فهم حضرتك ان الاخ عريض المنكبين اللي اخدتيه عاوز ام بديله؟
[ندعوك للتسجيل في المنتدى أو التعريف بنفسك لمعاينة هذه الصورة]
وبعدين الام لها ادوار كتيييير في حياة الابن
1/ التربيه
ودي انتهت بالنسبه له خلاص مش معقول هاتربيه من جديد
2/ الحنان
اه هو محتاجه بس نوع جديد من الحنان غير حنان الام طبعا
3/مساعدته في امور حياته
ودي مسئوليه اتنقلت ليكى بجوازكم مش بإختيارك يعنى حتي لو امه عايشه
4/ مراقبة سلوكياته وتوجيهها
المشكله بأه ان معظم (هن)يسيبوا كل الادوار الحلوه إللى فاتت دي للام ويتفننوا في تمثيل الدور الرقابي
(لازم اعرف عنك كل حاجه)
طبعا يا حبيبى مش مراتك وبقيت مسؤوله عنك
على إعتبار إنه مش عارف مصلحته[ندعوك للتسجيل في المنتدى أو التعريف بنفسك لمعاينة هذه الصورة]
(لازم تقول لي علي اي حاجه قبل ماتعملها)
آه لازم تاخد رأيى الأول
على إعتبار إن مستوى تفكيره إنخفض بعد الزواج[ندعوك للتسجيل في المنتدى أو التعريف بنفسك لمعاينة هذه الصورة]

تكتر قوي كلمة لازم اللي معظم(هم)بيكرهوها[ندعوك للتسجيل في المنتدى أو التعريف بنفسك لمعاينة هذه الصورة]
ده غير الموهبه العظيمه اللي أغلب الستات ماشاء الله محترفين فيها وكأنهم خريجى مدرسة المخابرات[ندعوك للتسجيل في المنتدى أو التعريف بنفسك لمعاينة هذه الصورة]
في تفتيش الجيوب والادراج وانتهاك الخصوصيه والاعلان عن اي حاجه غلط تلاقيها وتبتدي العركه
[ندعوك للتسجيل في المنتدى أو التعريف بنفسك لمعاينة هذه الصورة]
احرصي دايما علي خصوصية حضرته وثقي انه حيكشف لك كل الاوراق يعني حيروح منك فين[ندعوك للتسجيل في المنتدى أو التعريف بنفسك لمعاينة هذه الصورة]
حتي اذا وقعت في ايدك حاجه ماتعلنيش عن كشفك ليها
وكأنك لاقيتى أثر من الآثار الغارقه[ندعوك للتسجيل في المنتدى أو التعريف بنفسك لمعاينة هذه الصورة]

والزوجه بمجرد الزواج لازم تعرف ان الزوج مش محتاج من الستات في حياته غير اتنين بس
الزوجه والصديقه
ممكن جدا تكونى زوجه ناجحه جدا جدا حتى لو فيه خناقه كده والا كده من وقت للتانى
بس أهى خناقه تفوت ولا حد يموت وأهى ماشيه
وده اللى موجود فى كل بيوتنا[ندعوك للتسجيل في المنتدى أو التعريف بنفسك لمعاينة هذه الصورة]
لكن النادر فعلا فى بيوتنا الشرقيه إنك تكونى صديقه تقدر تحتوى هذا الكائن اللى هو الراجل طبعا
وده السبب الرئيسى وراء بحث الزوج عن مصادر تانيه
القهوه
اصحابه العزاب وما ورائهم
كرهه التواجد في البيت وخدي عندك لحد العلاقات النسائيه [ندعوك للتسجيل في المنتدى أو التعريف بنفسك لمعاينة هذه الصورة]
كل ده بيدور علي صديق
والمبرر موجود
ياعم انا متجوز المفتش كرومبو
انا محتاج حد اتشارك معاه اسراري وانا ضامن انه مش حيمسكها عليا ذلة في اول خلاف
يبقي لازم الست تعيش بشخصيتين
(شيزوفرينيا اراديه) [ندعوك للتسجيل في المنتدى أو التعريف بنفسك لمعاينة هذه الصورة]
أييييييييون
عشان تقدر تستقبل اي فعل من الزوج برد الفعل المناسب
[ندعوك للتسجيل في المنتدى أو التعريف بنفسك لمعاينة هذه الصورة]
يعني اعرف زوجات وهم في الشارع مع ازواجهم هي اللي بتقول له شوف البنت دي لابسه ايه؟[ندعوك للتسجيل في المنتدى أو التعريف بنفسك لمعاينة هذه الصورة]
دي رفيعه
دي سمرا
دي حلوه
يعنى تحطى على قلبك تكييف 100 حصان[ندعوك للتسجيل في المنتدى أو التعريف بنفسك لمعاينة هذه الصورة]
وتحطى أعصابك فى ديييب فريزر بس مش أى ماركة
إختارى نوع شديد[ندعوك للتسجيل في المنتدى أو التعريف بنفسك لمعاينة هذه الصورة]

كده يتشجع الافندي ويعرف ان مافيش حساسيه من مناقشة اي
موضوع معاكى [ندعوك للتسجيل في المنتدى أو التعريف بنفسك لمعاينة هذه الصورة]
والله يكون فى عونك على صحتك اللى هاتروح هدر
ضغط وسكر ونوبات قلبيه متكررة[ندعوك للتسجيل في المنتدى أو التعريف بنفسك لمعاينة هذه الصورة]
لكن كله يهوووون
نموت ونموت وتحيا الصداقة
طبعا مع أزواجنا

يبقى ملخص الحصة دى
1- انت لست بأم لزوجك فهو لا يحتاج امومتك له
2- احترمي اسرار زوجك الشخصيه وتعاملا كأثنين عند هذا الموضوع
3- ركزي علي دورك كصديقه له فأنت زوجته شئتما ام ابيتما اما الصداقه فعلاقه اختياريه
4- لا تشعريه بحساسيتك تجاه الحوار في اي موضوع مهما كان يضايقك حتي لا يتردد في مصارحتك بمشاكله

والله ولى التوفيق
أى حاله مرضية تصاب بيها أى واحده بعد الحصة دى تبقى تبلغنا ده دليل نجاحك فى تطبيق الدرس [ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:07 am

الدرس الثالث
حماتك تعباكى [ندعوك للتسجيل في المنتدى أو التعريف بنفسك لمعاينة هذه الصورة]...تعلمى كيف تكسبين ودها

العلاقه الأبديه والمشكله الأزليه
الزوجه وحماتها
زى توم وجيرى
أو لوريل وهاردى
أو سنووايت والساحرة الشريره
كل واحده وذوقها [ندعوك للتسجيل في المنتدى أو التعريف بنفسك لمعاينة هذه الصورة]
المهم إنهم ثنائى ملتصق لا يمكن إنفصاله أبدا

طبعا الدرس ده موجه لسيدات معينه
يعني اللي مرتاحه مع حماتها ربنا يهنيها بيها بس برضه تقول لنا وصلت لكده ازاي وتفيد أخواتها المعذبات [ندعوك للتسجيل في المنتدى أو التعريف بنفسك لمعاينة هذه الصورة]

طيب أولا مين هى حماتك
إوعى تفتكرى إنها أم زوجك فقط
لا لا لا
كلمة حماتك تشمل ام زوجك او اخته او عمته
المهم حماتك هي
التي تعتقد ان ربنا خلقها لتحمي زوجك المسكين من تصرفات حضرتك
وحتلاقيها كل يوم والتاني تنط لك وتعمل فحص وتمحيص عام لبيتك والحجج كتير
خدى عندك
كنت معديه قلت افوت اخد الجمعيه [ندعوك للتسجيل في المنتدى أو التعريف بنفسك لمعاينة هذه الصورة]
اصل تفيده بنت خالتي ساكنه في الشارع اللي جنبكم [ندعوك للتسجيل في المنتدى أو التعريف بنفسك لمعاينة هذه الصورة]
(ملحوظه حتي لو عزلتي برضه تفيده حتعزل معاكي ماتحاوليش)
وحشتووونى من إمبااارح ماشوفتكوووش [ندعوك للتسجيل في المنتدى أو التعريف بنفسك لمعاينة هذه الصورة]

طيب النقطة المهمه إللى لازم تاخدى بالك منها وإنتى بتفكرى إزاى تخلصى من هذا العدوان
اننا عاوزين نمنع التدخل وفي نفس الوقت نحافظ علي العلاقه

طبعا اهم حاجه انسي ان الموضوع منافسه وبلاش تحرصي علي انها ماتمسكش حاجه
وتأزمى نفسيتك لو سمعتى منها كلمتين تلاته
خااااااااااالص
بالعكس من وقت للتاني سيبي لها فريسه تمسكها وحسسيها ان ربنا بيبعتهالك نجده من السما
أو انها طوق النجاة فى بحر حياتك الغريقه[ندعوك للتسجيل في المنتدى أو التعريف بنفسك لمعاينة هذه الصورة]
عشان تحول حياتك بعبقريتها وخبرتها للاحسن وانك من غيرها كنتي هاتغرقى فى شبر ميه[ندعوك للتسجيل في المنتدى أو التعريف بنفسك لمعاينة هذه الصورة]

مش عيب من وقت للتاني تتصلي انتي بيها وتطلبي مساعدتها لحضرتك
النهارده نفسى أعمل ملوخيه زى اللى أكلتها عند حضرتك من يومين ياريت تقوليلى أعملها إزاى
يااااا سلاااام على الرز يا ماما من إيدك تحففففه بتعمليه مفلفل إزاى
(وإسمعى من الودن دى وطلعى من الناحيه التانيه)[ندعوك للتسجيل في المنتدى أو التعريف بنفسك لمعاينة هذه الصورة]

وكمان إبدأى اخترعي مشاكل بتحصل لناس قرايبك أو
حد من صاحباتك واحكي لها عليها واطلبي نصيحتها بعد ماتفهميها ان الدنيا
كلها مش لاقيه حل وانها اخر امل [ندعوك للتسجيل في المنتدى أو التعريف بنفسك لمعاينة هذه الصورة]

كمان إبدأى حسسيها دايما إنك مالكيش حد فى الدنيا غيرها هى وزوجك وإنك بتشوفيها أكتر ما بتشوفى أهلك
حسسيها انك بزواجك من ابنها انتقلتى الى عالمهم
وتخليتى عن عالمك الخاص

أما بأه زوج حضرتك وننوس عين العيله[ندعوك للتسجيل في المنتدى أو التعريف بنفسك لمعاينة هذه الصورة]
إبدأى فهميه ان امه بتتعب معاكي وبتشيلك من على الأرض شيل وان ضميرك مش مستريح لانك بتتعبيها ونفسك تروحي لها كل يوم تساعديها[ندعوك للتسجيل في المنتدى أو التعريف بنفسك لمعاينة هذه الصورة]

وطبعا بعد كام مره هايحس الاستاذ ان ده علي حساب بيتك لكن مش قادر ينطق[ندعوك للتسجيل في المنتدى أو التعريف بنفسك لمعاينة هذه الصورة]
حتلاقي حضرته بيخترع اعذار عشان يفك الالتحام اللي بينكم
ويبعدك شويه عن حماتك حبيبتك اللى إنتى مش قادره على فراقها[ندعوك للتسجيل في المنتدى أو التعريف بنفسك لمعاينة هذه الصورة]

أما اذا كانت حماتك عندها بنت لسه انسه أو أصغر منك اهتمي بيها كأنها اختك ده تصرف سره باتع مع الامهات
تاخديها معاكى فى كام خروجه
على كام فسحة
وتاخدى رأيها لما تييجى تشترى حاجه
وتجيبلها هدايا فى المناسبات السعيده
وتدلعيها وتهننيها
وتهتمى بمشاكلها وتقربى منها
واهم حاجه احنا يهمنا حماتك هي اللي تحس باهتمامك ببنتها
يعنى كل حاجه تعمليها علنى
وتذيعى فى وسائل الإعلام كمان
أما موضوع إنه بينك وبينها
لااااااااااا إنسى
دى مش صدقه هانداريها

يبقي ملخص الحصه التالته

[ندعوك للتسجيل في المنتدى أو التعريف بنفسك لمعاينة هذه الصورة]
1 / حماتك سيده غريبه عنك عامليها بذوق ولكن دون تباسط

2 / اصنعي منها امام نفسها ملاك ارسله الله لانقاذك من متاعبك

3 / اذا زاد اهتمامك بها فليكن ظاهر ومؤثر علي بيتك لانك سيده واحده ولست اثنين

4 / اهتمامك بمن تحبهم حماتك هو اهتمام بحماتك

5 / اشعري حماتك انك تنسحبين بالتدريج من عائلتك لتنضمي لعائلة زوجك

ملحووووظه
أى واحده هاتفضل علاقتها بحماتها متوتره أو فيها قلق بعد الحصة دى يبقى العيب من عندها وبلاش تاخد دروس أحسن
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:08 am

الدرس الرابع
الزوجه الشاطره تفهم شخصية جوزها
إزيكم يا أخواتى المتزوجات القدامى والجديدات وإللى لسه فى الطريق
طبعا كل واحده إتجوزت عن حب أو مرت بفترة خطوبه طويله هاتبقى فاكره نفسها مش محتاجه للدرس ده[ندعوك للتسجيل في المنتدى أو التعريف بنفسك لمعاينة هذه الصورة]
هاقولك لااااااااااا فاهمه غلط[ندعوك للتسجيل في المنتدى أو التعريف بنفسك لمعاينة هذه الصورة]
لأن من واقع تجربتى الشخصيه هاقدر
أقولك إن الجواز عن حب هو أكبر وهم ممكن تعيشيه بأنك فاهمه شخصية روميو
جوزك ومتجوزاه وإنتى عارفاه زى روحك[ندعوك للتسجيل في المنتدى أو التعريف بنفسك لمعاينة هذه الصورة]
لأن بعد الجواز وبعد ماتصحى من الغيبوبه والأحلام الورديه تتبخر
هاتلاقى نفسك بتقابلى شخصيه جديده تماما عليكى
وتتفاجئى بإن روميو بقى عنتره بن شداد
أو أحمد بقى حسين
وتسألى نفسك أنا متجوزه مين[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]
وتلاقى نفسك بتحاولى تفهميه من أول وجديد
وتفضلى تسألى فى كل موقف ...مين ده؟؟[ندعوك للتسجيل في المنتدى أو التعريف بنفسك لمعاينة هذه الصورة]
لأن غشاوة الحب بتخليكى مش شايفه حاجات كتير
أو بتشوفيها بس بتعديها عشان خاطر عيونه
وفى الحاله دى هايحصل حاجه من إتنين
يا إما الصدمه تحولك لحالة الغضب ويحصل الصدام عند كل موقف [ندعوك للتسجيل في المنتدى أو التعريف بنفسك لمعاينة هذه الصورة]
ويتحول عش الزوجيه لساحة حرب أهليه[ندعوك للتسجيل في المنتدى أو التعريف بنفسك لمعاينة هذه الصورة]
وإللى مايشترى يتفرج[ندعوك للتسجيل في المنتدى أو التعريف بنفسك لمعاينة هذه الصورة]
وتلعنى الحب وسنينه
يا إما تستسلمى للأمر الواقع وتتحولى لحالة من الإحباط[ندعوك للتسجيل في المنتدى أو التعريف بنفسك لمعاينة هذه الصورة]
وبالتالى تفقدى حيويتك وتصبح حياتك بحيرة راااكده
وإنى أتنفس تحت الماء[ندعوك للتسجيل في المنتدى أو التعريف بنفسك لمعاينة هذه الصورة]
وأهى عيشه والسلام وأنا إللى جبت دا كله لنفسى[ندعوك للتسجيل في المنتدى أو التعريف بنفسك لمعاينة هذه الصورة]
لكن
ليه ماتدوريش على حل وتحاولى تتأقلمى مع الواقع وتستفيدى منه
والحل إنك ماتقارنيش بين روميو الخطوبه وعنترة الزواج
ولا تتحسرى على الصفات والمميزات اللى راحت فى الوبا
لأن بعد الجواز مافيش حاجه إسمها مميزات وعيوب
كل الصفات مميزات المهم كيفية التعامل
[ندعوك للتسجيل في المنتدى أو التعريف بنفسك لمعاينة هذه الصورة]
الزوج المنفتح والزوج المتحفظ
طبعا الزوج المنفتح زوج اجتماعي يجيد الترحيب بضيوفه [ندعوك للتسجيل في المنتدى أو التعريف بنفسك لمعاينة هذه الصورة]ويهوي استقبال الغير واقامة العزائم والولائم(كلما امكن) له اصدقاء وتجديه دائم السؤال عن اهلك واهله والزملاء والاصدقاء
[ندعوك للتسجيل في المنتدى أو التعريف بنفسك لمعاينة هذه الصورة]
طبعا يهمنا من كل العلاقات دي اهلك واهله
حضرتك ممكن تخصصي يوم اسبوعي لكل طرف وتتناوبي الذهاب لهم واستقبالهم وحاولي ماتجمعيش الطرفين غير في اضيق نطاق يعني المناسبات فقط
حاولي تعملي تقارب بين الجيل الجديد في اسرتك واسرته زي اختك واخته او اخوكي واخوه الاصغر منكم
وإستغلى تلك الشخصيه فى الإستمتاع بالخروج معه من وقت لآخر [ندعوك للتسجيل في المنتدى أو التعريف بنفسك لمعاينة هذه الصورة]
اما الزوج المنغلق حتلاقيه يحب يرجع البيت يقفل بابه ويعمل اجتماع يومي بحضرتك والاولاد (ان وجد)مش عاوز اطراف تانيه
[ندعوك للتسجيل في المنتدى أو التعريف بنفسك لمعاينة هذه الصورة]
ده للتعايش معاه نخلي استقبالنا
لضيوفنا في حدود اقل طبعا وزياراتك للاهل حتكون فرديه في معظم الاحيان
ودوره حينحصر انه ييجي ياخدكم بالليل كمان زياراتك الفرديه لاهله حتكون
بادرة جميله منك
المهم إنك تتفهمى رغبته وتتأقلمى معها ولا تفاجئيه بعزومه أو زيارة أو تجمع عائلى وتكون النتيجة ...[ندعوك للتسجيل في المنتدى أو التعريف بنفسك لمعاينة هذه الصورة]
وأحرصى على أن تقومى بالواجبات الإجتماعيه دون أن تشغليه بها سواء لأهلك أو لأهله
[ندعوك للتسجيل في المنتدى أو التعريف بنفسك لمعاينة هذه الصورة]
وفى كل الأحوال سواء منغلق سواء منفتح دى مش مميزات ولا عيوب دى صفات مطلوب منك التعامل معها كما هى وتتكيفى معها لأنها مش هاتتغير
الزوج العملى والزوج العاطفى
الزوج العملى دا طبعا بيكون ممل إلى حد ما عايش حياته بالورقه والقلم وبيخطط لكل صغيره وكبيره[ندعوك للتسجيل في المنتدى أو التعريف بنفسك لمعاينة هذه الصورة]
وتلاقيه بيفكر فى مشكلات مستقبليه ويبدأ يحط إحتمالات وحلول كأنها حصلت فعلا
من الآخر عايزك تمشى على الخط وبالمسطره[ندعوك للتسجيل في المنتدى أو التعريف بنفسك لمعاينة هذه الصورة]
أكبر مشاكله ميزانية البيت وإوعى يسمع منك جملة
سيبها بالبركه [ندعوك للتسجيل في المنتدى أو التعريف بنفسك لمعاينة هذه الصورة]
تبقى مصيبه ويوم مش فايت
دا بقى عيشى معاه الدور وتفاعلى معاه وخليكى مراقباه من بعيد عشان تلحقيه قبل المركب ما تغرق[ندعوك للتسجيل في المنتدى أو التعريف بنفسك لمعاينة هذه الصورة]
لأن التجارب أثبتت إنه فى النهايه هايفشل فى التخطيط
أما الزوج العاطفى فدا عايش لسه الحلم الوردى ومريييييح
بيديكى كل اللى معاه وإتصرفى إنتى يا روحى[ندعوك للتسجيل في المنتدى أو التعريف بنفسك لمعاينة هذه الصورة]
المشكله إنه بيبقى متخيل إن عش العصفوره يقضينا وعنده يقين إن فلوسه دى توفرلك حياة ولا حياة ساويرس وهم من الآخر مايجبوش كيلو لحمة[ندعوك للتسجيل في المنتدى أو التعريف بنفسك لمعاينة هذه الصورة]
النوع ده لااازم تتعاملى معاه بحكمه وتكونى قادره على التخطيط الجيد وإدارة زمام الأمور دون أن تشعريه بالتقصير
ولكن
من وقت لآخر لازم تشركيه معاكى شويه عشان يفوق من الوهم
إتحججى بأى حاجه وخليه هو يجيب طلبات البيت مره عشان يحس بتطور الأسعار [ندعوك للتسجيل في المنتدى أو التعريف بنفسك لمعاينة هذه الصورة]
أو خديه معاكى السوبر ماركت بحجة إن الطلبات كتير مش هاتقدرى تشيليها لوحدك
المهم تحاولى تخليه إيجابى شويه معاكى ويخرج من الغيبوبه
[ندعوك للتسجيل في المنتدى أو التعريف بنفسك لمعاينة هذه الصورة]
وفى النهايه وفى كل الأحوال زى ما قولنا دى لا هى مميزات ولا عيوب دى صفات لازم تتعاملى معاها زى ماهى

إنتهى الدرس وأتمنى تستفيدوا منه وتعرفوا تطبقوه فى باقى الصفات [ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:10 am

الحصة الخامسة
إضحكى خللى الدنيا تضحكلك...كيف تحافظين على سعادتك مع زوجك

كيفكم حبيباتى يارب بخير وسعاده
ساعات كتييير وأنا ماشيه فى الشارع أو موجوده فى أى تجمع نسائى أجد نفسى أتامل وجوه المتزوجات والأمهات
وماشاااااااء الله
هو وش واحد زى ما يكون قالب ومتركب على كل الوجوه
نظرة منكسرة تحمل الكثير من الإحباط
حاجبين يقتربان من بعضهما كما لو كانوا واحد مش إتنين
والفم ممدود للأمام فى عبوس غريب
من الآخر
صوره متجسده للمعاناه والإنسانيه المعذبه
[ندعوك للتسجيل في المنتدى أو التعريف بنفسك لمعاينة هذه الصورة]
وياسلام لو الفم ده إتفتح
تسمعى أحلى درر
عن قلة النوم والتعب والشقى ليل نهار
وشغل البيت والراجل اللى مش بيقدر
والعيال ودوشتهم
والعيشه واللى عايشنها
[ندعوك للتسجيل في المنتدى أو التعريف بنفسك لمعاينة هذه الصورة]
طبعا فى الحاله دى لاااا أتعجب أن أرى الزوج يمشى مهرولا تاركا مسافه لا تقل عن 100 متر بينه وبين خالته تفيده
أقصد زوجته
[ندعوك للتسجيل في المنتدى أو التعريف بنفسك لمعاينة هذه الصورة]
أو يجرى يوصلها لأى مكان ويتركها بالساعات ثم يعود ليصطحبها على موعد النوم
ويحمد ربنا لو نامت فى العربيه عشان مايسمعش كلمتين من العيار التقيل
[ندعوك للتسجيل في المنتدى أو التعريف بنفسك لمعاينة هذه الصورة]

طيب حضرتك تعبانه وقرفانه من العيال وتربيتهم ودوشتهم
غريب الدار اللى راجع بعد القرف والمواصلات وروتين الشغل
يدخل يلاقى كائن مجسد للنكد فى وجهه........ لييييييييييييييييه
[ندعوك للتسجيل في المنتدى أو التعريف بنفسك لمعاينة هذه الصورة]
تعبانه قرفانه مهما كان إحتفظى بابتسامتك
مش خساره فى الراجل اللى تعبان عشانك
إعتبريها صدقه والا زكاة عن عفيتك اللى راحت
ولما تحافظى على إبتسامتك وتدورى إزاى تسعدى نفسك بنفسك
هاتلاقى السعاده بتملى بيتك
دورى على الموضوعات السعيده وإتكلمى فيها بدل أحاديث الشكوى اليوميه
وبلاش تبقى تفيده ولا فتكات ولا عدلات
خليكى نانسى وهيفا وروبى كمان
[ندعوك للتسجيل في المنتدى أو التعريف بنفسك لمعاينة هذه الصورة]
يبقى ملخص حصتنا إييه

1- الإبتسامه تفتح لكى أبواب السعاده فى بيتك
2- تعلمى فن الحديث وتفننى فى إظهار رقتك ودلالك
3- إخلقى موضوعات مفرحة وبلاش الشكوى اليوميه
4- زى ماحضرتك تعبانه هو كمان شقيان خليكى مصدر راحته
5- سعادة بيتك تبدأ منك فاحرصى على إسعاد نفسك والنظر لما أنعم الله عليكى به

أى واحده تطبق الدرس كويس هاتلاقى جوزها رجع يمسك إيدها فى الشارع على ضمانتى
ربنا يديم عليكم السعادة والهنا

من طرف **أم حمد** الأحد سبتمبر 27, 2009 1:10 am

الحصة السادسة
كيف تتغلبين على الملل الزوجى؟
[ندعوك للتسجيل في المنتدى أو التعريف بنفسك لمعاينة هذه الصورة]
كااااااااااااااام مره دار حوار بينك وبين زوجك وشعرتى وكأنه حوار قديم مكرر سمعتيه عشرات المرات [ندعوك للتسجيل في المنتدى أو التعريف بنفسك لمعاينة هذه الصورة]
نفس الكلمات
نفس التعبيرات
نفس التعليقات
وكأنها آلة مبرمجه تتولى الحوار بشكل آلى[ندعوك للتسجيل في المنتدى أو التعريف بنفسك لمعاينة هذه الصورة]
تنظرين حولك بعد مرور سنوات وسنوات من رحلة زواجك تشعرين بكآبة تسيطر على نفسك[ندعوك للتسجيل في المنتدى أو التعريف بنفسك لمعاينة هذه الصورة]
ليس كرها لحياتك ولا إعتراضا على شخص زوجك
ولكنه هذا العدو السخيف للسعاده
الملل [ندعوك للتسجيل في المنتدى أو التعريف بنفسك لمعاينة هذه الصورة]
وكأنه حبل يلتف حول رقبتك منذ سنوات دون أن تشعرى حتى يكاد يخنق أنفاسك[ندعوك للتسجيل في المنتدى أو التعريف بنفسك لمعاينة هذه الصورة]
وتكون النتيجه غير مقبوله بالمره
عصبيه أغلب الأوقات[ندعوك للتسجيل في المنتدى أو التعريف بنفسك لمعاينة هذه الصورة]
تنفعلين لأتفه الأسباب[ندعوك للتسجيل في المنتدى أو التعريف بنفسك لمعاينة هذه الصورة]
تسيطر عليكى فكرة أنا كان مالى ومال الجواز[ندعوك للتسجيل في المنتدى أو التعريف بنفسك لمعاينة هذه الصورة]
وترددين
كنتى فين يا لآآآآآآآآ لما أنا قلت آآآآآآآآآآآآآآآآه
آآآه
آه
[ندعوك للتسجيل في المنتدى أو التعريف بنفسك لمعاينة هذه الصورة]
طيب قبل ما نقعد جنب بعض ونغنى ظلموه وفات الميعاد[ندعوك للتسجيل في المنتدى أو التعريف بنفسك لمعاينة هذه الصورة]
نبدأ من الأول[ندعوك للتسجيل في المنتدى أو التعريف بنفسك لمعاينة هذه الصورة]
دايما كل واحده فينا جواها إعتقاد يمكن نتيجة التربيه والنشأه إن مادام الزوجه قايمها بكل واجباتها تبقى زوجه ناجحه[ندعوك للتسجيل في المنتدى أو التعريف بنفسك لمعاينة هذه الصورة]
وواجباتها المتعارف عليها دايما
نظافة بيتها
تجهيز الأكل ونظافة الملابس والكوى والمسح والترتيب وطبعا راحة جوزها وطلبات الأولاد
لكن[ندعوك للتسجيل في المنتدى أو التعريف بنفسك لمعاينة هذه الصورة]
عمرك سألتى نفسك فين دورك كمتعه لزوجك[ندعوك للتسجيل في المنتدى أو التعريف بنفسك لمعاينة هذه الصورة]
ألم يشرع الله عز وجل التمتع فى الحياة الزوجيه[ندعوك للتسجيل في المنتدى أو التعريف بنفسك لمعاينة هذه الصورة]
ولا تقتصر المتعه على المعنى المتعارف عليه بالعلاقه الزوجيه فقط[ندعوك للتسجيل في المنتدى أو التعريف بنفسك لمعاينة هذه الصورة]
لماذا لم تفكر أى منا فى كيفية إمتاع الزوج فى حياته اليوميه[ندعوك للتسجيل في المنتدى أو التعريف بنفسك لمعاينة هذه الصورة]
هل تتخيلين مدى التجديد والبهجه التى ستغمر حياتك كلما بذلتى مجهودا فى التفكير لإيجاد وسائل للمتعه والسعاده فى حياتك[ندعوك للتسجيل في المنتدى أو التعريف بنفسك لمعاينة هذه الصورة]
لماذا تتخوفين من تجربه الملابس المثيره الضيقه فى منزلك؟
لماذا تقلقين من تغيير لون شعرك وعمل نيولوك من آن لآخر؟
لماذا لا توفرين لنفسك يوما فى الشهر أنت وزوجك تخرجان فيه بدون أطفال تتذكرون أيام الماضى العتيق؟
لماذا لا تفاجئين زوجك بأفكار جميله ومبهجه لإستقباله ليلا بعد عناء يوم عمل طويل؟
لماذا ولماذا ولماذا.......
الأفكار لا تنتهى والعقل لن يعجز أبدا عن عن التفنن فى إيجاد وسائل أخرى
فلماذا لا تبدأى الآن[ندعوك للتسجيل في المنتدى أو التعريف بنفسك لمعاينة هذه الصورة]
قبل أن يلتف هذا الحبل القاتل حول رقبتك وتجدين نفسك تغرقين فى بحر الملل الكئيب[ندعوك للتسجيل في المنتدى أو التعريف بنفسك لمعاينة هذه الصورة]
يبقى ملخص حصتنا إيييه [ندعوك للتسجيل في المنتدى أو التعريف بنفسك لمعاينة هذه الصورة]
1\ لا تستسلمى أبدا للشعور بالملل وحاولى دوما تجديد حياتك
2\ دورك كزوجه لا يقتصر على الواجبات المنزليه فقط هناك أدوار أخرى شرعها الله لكلا الزوجين
3\ لا تجعلى الخجل يمنعك من تنفيذ أفكار مثيره تمنح زوجك السعاده والرضا
4\ لا تخافى من تجربة أى فكرة جديده كونى جريئه فى قراراتك
[ندعوك للتسجيل في المنتدى أو التعريف بنفسك لمعاينة هذه الصورة]

من طرف **أم حمد** الأحد سبتمبر 27, 2009 1:12 am

تعلمى فن الشجاااار مع زوجك
[b]طبعا هاتستغربوا من عنوان الحصة وهاتقولوا أم مروان إتجننت[ندعوك للتسجيل في المنتدى أو التعريف بنفسك لمعاينة هذه الصورة]
هاقولكم لا حبيباتى الشجار بين أى زوجين موجود رضينا أم لم نرضى مفيش حياة عسل وسكر على طووول الخط ومفيش برضه حياة بصل على طول الخط
حبه حلوه وحبه مره
ومهما حاولتى لااازم يتواجد خلاف لأنكم شخصين مش شخص واحد[ندعوك للتسجيل في المنتدى أو التعريف بنفسك لمعاينة هذه الصورة]
يبقى لازم تعرفى حدودك فين عشان تتعاملى مع خلافاتكم بفن
تعالوا نعيش سيناريو أى إتنين متجوزين
في المرحلة الأولى من الزواج .. إذا حدث خلاف بسيط بينكم وإتفاجأتى بتصرف غير مقبول أو كلمة في غير محلها
اللى هايحصل إنك هاتبكي وتدخلى أوضتك وإنتى مقموصه وغضبانه [ندعوك للتسجيل في المنتدى أو التعريف بنفسك لمعاينة هذه الصورة]
لكن فى نفس الوقت بتبقى مستنياه ييجى يصالحك وعندك إستعداد إنك تسامحيه مع أول كلمة
وتفضلى مستنيه
شويه
وييجى حبيب القلب بسرعه يراضيكى ويمسح الدمعتين
و تنتهي المشكلة [ندعوك للتسجيل في المنتدى أو التعريف بنفسك لمعاينة هذه الصورة]
و تمر الأيام و تطول العشرة شويه
وطبعا يحصل خلاف جديد لكنه المره دى خلاف جوهري وأكبر من المره اللى قبله
وتلاقى حبيب القلب نبرة صوته بتعلا وهو بيعبر عن رأيه ويبدأ يحتد[ندعوك للتسجيل في المنتدى أو التعريف بنفسك لمعاينة هذه الصورة]
فتقفى مذهولة إزاى يتكلم معايا بالطريقه دى
[ندعوك للتسجيل في المنتدى أو التعريف بنفسك لمعاينة هذه الصورة]
تغضبى وتقفلى باب أوضتك وإنتى مصرة المره دى على عدم قبول إعتذاره إزاى يهينى مش هاسمح بده أبدا[ندعوك للتسجيل في المنتدى أو التعريف بنفسك لمعاينة هذه الصورة]
والمره دى كمان مش هاييجى بسرعه يراضيكى لاااااااا
هايخرج ويسيب البيت وبعد ما يهدا يرجع
ويحاول يراضيكى طبعا هاتتدللى شويه لكن فى النهايه بترجع المياه لمجاريها
لحد كدا كوييييس
[ندعوك للتسجيل في المنتدى أو التعريف بنفسك لمعاينة هذه الصورة]
وتمر سنوات.. و تذوب الفوارق بين الزوجين
فيحدث خلاف شديد توقعى هذا فالحياة لا تصفو دائما لكما
و إذا بالزوج يعبر عن رأيه و اعتراضه بأعلى صوت
ينتقدك .. ويبدأ فى إستخدام عبارات جارحة لأول مرة[ندعوك للتسجيل في المنتدى أو التعريف بنفسك لمعاينة هذه الصورة]
تشعرين بالمرارة
فقد قالها صراحة .. جوازى بيكى كان غلطة[ندعوك للتسجيل في المنتدى أو التعريف بنفسك لمعاينة هذه الصورة]
وهنا
تجدين صراعا يملأ أعماقك وأفكار تتضارب فى رأسك
تقفين مصدومه[ندعوك للتسجيل في المنتدى أو التعريف بنفسك لمعاينة هذه الصورة]
يعنى أرد عليه بنفس إسلوبه
والا أسيبله البيت وأمشى
والا أزعل زى كل مره وأستناه يصالحنى
بكرم أخلاقك وحبه اللى مالى قلبك
هاتختارى
إنك ماتكلمهوش لمدة كام يوم لحد ما يبوس القدم ويبدى الندم
و يعتذرعن المصيبه اللى قالها
وصافى يا لبن
لحد هنا برضه
جمييييييييييييل
[ندعوك للتسجيل في المنتدى أو التعريف بنفسك لمعاينة هذه الصورة]

وتمر أيام وشهور بحلوها ومرها
وآآآآآه من الحياة وما تحمله لنا من منغصات
فيقع خلاف آخر
وهنا أصبح الصوت العالى والإنتقاد والعبارات الجارحة شىء عادى ماهو عدى الحاجز ده
فنلاقى الموضوع إتطور وممكن يبدأ فى إهانتك أو إستخدام السب لا سمح الله[ندعوك للتسجيل في المنتدى أو التعريف بنفسك لمعاينة هذه الصورة]
وهنا كرامتك هاتثور
وطبعا هاتقولى لنفسك هو كل مره هاسكتله
لاااااااااااااااا[ندعوك للتسجيل في المنتدى أو التعريف بنفسك لمعاينة هذه الصورة]
وتبدأى تعلى صوتك وتفكريه بالنعمه اللى هو فيها
وتبدأى تقللى من شأنه وتفتكريله كل النقط السودا اللى شوفتيها معاه[ندعوك للتسجيل في المنتدى أو التعريف بنفسك لمعاينة هذه الصورة]
يتغاظ أكتر والمعركه تحمى
وممكن فى لحظة يخطى كل الحواجز ويتطاول بالضرب
[ندعوك للتسجيل في المنتدى أو التعريف بنفسك لمعاينة هذه الصورة]

يا نهاااااااار
للدرجه دى
ماهو عبارة عن سلم مجرد ما بتطلعى أول درجة بتلاقى نفسك درجة ورا درجة بتخطى كل الحدود
[ندعوك للتسجيل في المنتدى أو التعريف بنفسك لمعاينة هذه الصورة]
خلااااص لحد كدا
لااااااااااااااااااا
لسسسسسسسسسسه
*[ندعوك للتسجيل في المنتدى أو التعريف بنفسك لمعاينة هذه الصورة]
*[ندعوك للتسجيل في المنتدى أو التعريف بنفسك لمعاينة هذه الصورة]
*[ندعوك للتسجيل في المنتدى أو التعريف بنفسك لمعاينة هذه الصورة]
مع الوقت
هاتلاقى الراجل بيفقد إحترامه لزوجته وبيبصلها على إنها ند ليه فقدت
أنوثتها فيصبح إسلوب الحوار المعتاد هو الكلام الجارح والتعليقات السخيفه[ندعوك للتسجيل في المنتدى أو التعريف بنفسك لمعاينة هذه الصورة]
وهى أيضا تفقد خجلها وعذوبتها وتحرص أن يكون صوتها أعلى من صوته
آآآآآآآآآآه أمال إيه هاسكتله[ندعوك للتسجيل في المنتدى أو التعريف بنفسك لمعاينة هذه الصورة]
وحاجز ورا حاجز ودرجه بعد درجة
بنلاقى العصفورين اللى دخلوالعش وهم بيغردوا
بقوا عبارة عن مصارعة ثيران
ويتحول العش الوردى
لساحة قتال[ندعوك للتسجيل في المنتدى أو التعريف بنفسك لمعاينة هذه الصورة]
كل واحد بيفرد عضلاته ويتصيد الأخطاء للتانى
[ندعوك للتسجيل في المنتدى أو التعريف بنفسك لمعاينة هذه الصورة]
أين المودة؟؟
أين الرحمة؟؟
أين السكينة؟؟

والإجابة حبيباتى عند كلا الزوجين
لا تستسلما لبراثن الشيطان الذى يدخل بينكما ليكيد لكما
إنتبهى حبيبتى
لا تتخطى الحواجز ولا تصعدى درجات هذا السلم
تمسكى برقتك وأنوثتك وعذوبتك[ندعوك للتسجيل في المنتدى أو التعريف بنفسك لمعاينة هذه الصورة]
حتى لو بدأ هو فى تخطى الحواجز
فحتما سيتراجع أمام كرم أخلاقك وحسن تبعلك
وأصلك الطيب
دعيه دوما يرى صورة تلك الفتاه التى سعى جاهدا للإرتباط بها
لا تدعى الحياة بمنغصاتها تتغلب عليكى وتأخذك فى دواماتها
واجهى دوما ثوراته بهدوء وإمتصى غضبه بكلمات حانيه
[ندعوك للتسجيل في المنتدى أو التعريف بنفسك لمعاينة هذه الصورة]
والمره دى هاقول كلمه كمان للأزواج
ياريت يقروها[ندعوك للتسجيل في المنتدى أو التعريف بنفسك لمعاينة هذه الصورة]
الرجوله ليست بالعصبيه وثورات الغضب والصوت العالى
تأكد أن حنانك عليها وإحتوائك لها وتفهمك لشخصيتها سيجعلها أسيره لك
تسعى بكل طاقتها لرضاك
متعكم الله جميعا بالسعادة وراحة البال
وكفاكم الله شر الشجار[ندعوك للتسجيل في المنتدى أو التعريف بنفسك لمعاينة هذه الصورة]

أختنا الكريمة أم أحمد

سلمت يداك على الموضوع
وعلى الرغم من أنه بالعامية إلا أن جميل ومسبك ويجبر المرء على متابعته
حتى النهاية , نظراً لصدقه وبساطة التعابير المباشرة التي تصل إلى الهدف . الجميع
لديهم معاناة من نفس النوع ولكن , ليست المرأة وحدها هي التي تعاني من مثل هذه
التصرفات , بل أكاد أجزم لك بأن هنالك حالات تنطبق 100% ولكن يكون الرجل هو مكان
المرأة تماماً بحيث تقول له , لماذا لم تصحي الأولاد على المدرسة , ثم تقول له ألم
ترى أني متعبة , وها أنا أنزل من غير أن أفطر . لا تستغربوا هذا قد حدث أمام عيني
وكنت لا أصدق أن ثمة رجل يصحو ليقوم يسخن الحليب للصغير وأمه لم ترد على بكائه في
الليل , ويغير له الكفولة ( الحفاض ) وهكذا ..........

ويسهر به حتى الصباح في
مرضه , وذلك ليس بمشكلة ولكن فوق كل ذلك , في كثير من الأحيان بل في معظمها يقوم
بالغسيل والمكوى , وتلميع الأحذية للجميع , والطبخ , طيعاً إضافة للعمل الصباحي
والمسائي , وهنا أود أن أقول , حين قال زوج تلك الصديقة لصاحبته أنت باردة , فأقول
هي ليست باردة , بل مرهقة فعلاً وتدور بالساقية طوال النهار ثم تريدها أن تبدو
بكامل حيويتها في الليل , اذكر المرأة أيضاً أن مثل هذا الثور الذكر الذي يدور في
الساقية صباحاً ومساءً ثم يقوم بأعمال المنزل والرعاية والزوجة تعمل فقط في النهار
ودون المشاركة المادية في المصروف حيث يعمل هو في المساء , لا يحق لها أن تنعته بالبرودة أو التجاهل , فهو قد قرف
حياته ولم يعد هناك من فسحة للتعبير عن حبه , والذي اصيب بالبرودة هو الحب الذي
أحدثت الزوجة فيه عدوى إنفلونزا الأنانية الخطرة جداً والتي
حين تصيب فلا مجال للعلاج فيها وخاصة بتضافر أعراض أخرى مثل إصابة الزوجة بحب بديل , هو في
الواقع تعبيراً وإصراراً على رداءة موقفها أصلاً .

النصائح كلها قيمة ولكن
أين الآذان المصغية , بل أين هم أصحاب التفكير السليم الذي لو كان موجود أصلاً
لتقبل النصائح لما وصلنا لمرحلة لا علاج لمرض مزمن ولسارت
الأمور بخير , لا بد من الشجار ولكن ينبغي أن يتوقف عند المرحلة الأولى التي تنتهي
بقبلة وحضن دافيء , ألم يقال في الأمثال الشعبية أن الكلام الحلو يخرج الحية من وكرها .

هاتلاقى الراجل
بيفقد إحترامه لزوجته وبيبصلها على إنها ند ليه فقدت أنوثتها فيصبح إسلوب الحوار
المعتاد هو الكلام الجارح والتعليقات السخيفه

هاتلاقى المرأة بتفقد
إحترامها لزوجها وبتبصله على إنه ند ليها فقد رجولته فيصبح إسلوب الحوار
المعتاد هو الكلام الجارح والتعليقات السخيفه

الرجوله ليست
بالعصبيه وثورات الغضب والصوت العالى تأكد أن حنانك عليها وإحتوائك لها وتفهمك لشخصيتها سيجعلها أسيره
لك تسعى بكل طاقتها لرضاك

والأنوثة هي أرق من
الرجولة الحقيقية الحقة فهل ستجعلون مخافة الله هي أسلوب الحياة أم أنكم تصرون على
أن تبقوا خاسرين , وتسعون للطرد من فردوس الدنيا ناهيكم عن صعوبة الحصول على بطاقة
دعوة , مجرد بطاقة دعوة لرؤية الفردوس , والله أعلم ..............ورسوله
والمؤمنون

مهما قيل عن روميو أنه
رومانسي فعنترة أكثر رومانسية ألم يقل ولقد ذكرت والرماح نواهل ..................

مواقف زوجية يومية

مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية

رد: مواقف زوجية يومية